7 arinishka apushitaywanmi, Niñez minkarishkakunaka kay Código Orgánico General de Procesos (COGEP) kamachiyta mushukyachinapak kamachiyta arinirkakuna, kay Código Orgánico de Protección Integral a Niñas, Niños y Adolescentes (COPINNA) kamachiyta allichiykuy ukupi.
Arininapak ñawpaka, Minkarishka runakunaka tawka niki killkatami rikurkakuna, kaypika 31 niki killka kari warmi wawakunata shinallatak wamrakunatapash ñawinchiynamanta. Chaymantaka, Jorge Peñafiel shinallatak Hoover Delgado kamachi killkakkunami mushukyachinapak mañayta chayachirka, kay mañaytami arinirkakuna.
Riksinapika, Minkarishkata pushak, Pierina Correa kamachi killkakka yuyaykunapi rikukpika kari warmi wawakunami tukuyshinamanta wakllichishka llakichishkapash rikurin, aylluwasipi shinallatak kanchamanpash, shinaka, mana riksishkamanta kay wawakunaka chayallapitak kawsashpa katikunkuna. "Yuyakkunaka uyana, paykunawan kana, wawakunata ukllanami kanchik, paykunaka wakllirinallami kankuna", nirkami.
Minkarishka Arisdely Parrales llamkashkamanta yupaycharka, COPINNA kamachiyta Código Orgánico General de Procesos (COGEP) kamachiywan paktachinami kan nirka. Shinallatak, kay minkarishkakuna, yachak ayllukuna shinallatak UNICEF tantanakuymanta riksikkuapash llamkashpa katishun, paykunaka yachaywan paktami llamkashkakuna.
Kay COGEP kamachiy mushukyachiypika, ñawiriyman paktana ushashpapish, kay yuyaykunami tiyan: kutinpash riksina mañay, colusorias ruraykuna, ruraykunata katinapak mañaykuna, katikunakuna, hayñimanta chayachinakuna, shuktakkunapash.
Puchukankapakka, Minkarishkata pushakka tukuy minkarishkakuna yachaywan, sumaychashpa, tukuykuna chaypipashpa llamkashkamanta naparka,
GU/am/cg-k
