Ecuador llaktapi antawapi llamkanapak arinishkakuna mañashkata kutichishpa, Mamallakta Tantanakuyta pushak, Henry Kronfle Kozhaya kay Código Orgánico Integral Penal (COIP) kamachiypak 386 niki killkata mushukyachinapak mañayta chayachinka, kaypika antawa purichinapi wanachinamantami rikunata charin.
Kay willaytaka taxi antawa purichikkuna 100 minkashka yalli runakunawan rimanakuypimi riksichirka, Mamallakta Tantanakuyman chayamushpami kay Corte Constitucional (CC) tantanakuy yuyarinakushka killkamanta shustarishkata riksichirkakuna, mamakamachiywan waktarishka nin, rikurashpa, kay COIP kamachiypak 386 niki, 1 yupay killkapi, taxi antawakuna mana arinishka llikakunawan llamkakukpi wakllichin.
Paymantaka, Jorge Calderon, kay Federación Nacional de Operadoras de Taxis del Ecuador tantanakuyta pushakka, kay COIP kamachiypak 386 niki, 1 yupayta kamachishpa rikuchunmi kayachirka, kaypika "antawakunata kanchis punchamanta wanachina" nishka killkapak rantika, "wantawakunata kanchish punchakama wanachina" killkata churanapak mañan, kaytami Corte Constitucional tantanakuyka rikushka, nirkami.
Pushakka, kay COIP kamachiyta mushukyachinapak Justicia Minkarishkata mañashka kashapapash, kunanpi paktarikuk Ley Orgánica de Transporte Terrestre, Tránsito y Seguridad Vial kamachiyka, mushuk llikapankakunawanka llamkanapak arinishkata charik taxi antawakunallami llamkay ushanka nin. Chaymantami 62A niki killkata charishpa katina kan, 2021 watapi kimichishka, kaypika llikapankapi llamkanata rikuk shinallatak arininamantami rikuchin.
AM/cg-k
