Mamallakta Tantanakuyka, 112 ari apushitaywanmi, Ley de Registro kamachiy mushukyachina killkata arinirka, kaypika shuti iñik, ruraykuna shinallatka killkakunapash, runa ayllukunamanta yuyaypaktarishkapi killkarina kashkatami riksichin shinallatak allapakunamanta llakikunatapash, kikin kitikunapi allichinapak yanapanka.
Mamallakta Tantanakuy yuyaypaktarishka kipaka, Mamallakta Tantanakuyta pushak, Henry Kronfle Kozhaya runaka kay Ley N.° 29 niki kamachiy kunan pushakkukkuna arinishkami."Shuk kamachiywanmi llaktayukman chayachinchik shinallatak 100 yalli ari apushishkawan arinishka; tukuykunata yupaychanchik, kay llamkaymanta tukuy llaktayukta yanapana yuyaywan"; nirkami.
Kamachiy mushukyachinataka Gobiernos Autónomos Minkarishkapi allichishka llamkaywillaypi paktarishkami kan, kaypika allpamanta runa llaktapura waktarinakushkata ukun llakita shina riksishka kanka, runa llaktakuna kasiklla kawsanapi rikuna charishkamanta; shinallatak paykunapura alli kawsaypi wakllichikukpipash rikun, ashtawanka kikin kawsaypi, runa llakta kawsaypipash makipuranata wakllichikukpi rikunka, runa llaktaka, wiñaymanta riksishkawan shinallak kikin hayñiwan, allpata charinamanta, yanaparinamanta, rakinamantapash chimpapuraykunata allichishpa shamushkata riksinka.
Kay yuyaypaktariyka pachamamanta mana hakllichinkachu nakashpaka kitipi allpa tantachishkawan mana chimpapurankachu.
Kay llamkaywillaytaka Fabiola Sanmartin kamachi killkakmi riksichirka, payka nirkami Ley de Registro kamachiypak 25 niki killkatami mushukyachirka, runa ayllukunapak hayñita paktachinapak shuk tatkiwan purishkami kan, Mamallakta wacharinapak ñawpa tiyashka yuyaykuna, kunanka Mamakamachiypak 171 niki kil
Kay yuyaypaktarishka killkataka Fausto Fernández shinallatak Ricardo Ulcuango kamachi killkakkuna yanapashkami, paykunaka Mamakamachiypak Tukuypak Hayñikunapi riksishkata shinallatka mushukyachina mutsurishkatami achikyachirkakuna, kay yanapaykunaka Ecuador llaktapak runa ayllullaktakunapak shinallatak llaktamarkakunapakpash wiñaykawsayta riksina pachakuna riksinami sakirin, nin.
AM/cg-k
