Mamallakta Tantanakuyka, 78 ari apushitashkawanmi, Llakta pushak, Daniel Noboa runata, Ecuador llaktapak shutipi shinallatak Asamblea de los Estados Partes del Estatuto de Roma de la Corte Penal Internacional tantanakuypi kashkamanta, shinallatak 25(3)(a), 28(b) y 58(1)(b)(ii), (iii) niki killkakunapi kimirishpa, Sala de Cuestiones Preliminares I (Pre-Trial Chamber I) ukutapash Nicolás Maduro runata wanachinapak hapichun mañayta chayachichun kayachin, kaywanka "runa ayllukunata anchata wakllichikushkata harkanapak" shinallatak taripaykunapash pakta kachun sumaychashpa.
Kay yuyarinakushka killkataka istallaktapak llamkaywillaykunapi kimirishpa paktashkami, kay Comisión Interamericana de Derechos Humanos, la Organización de los Estados Americanos, y el Panel de Expertos Independientes tantanakuy chayachishka willaykunashina, kaypika República Bolivariana de Venezuela mamallaktapi, Nicolás Maduro runa pushakuypi tawka llakikuna tiyashka nishpa willashkami kan, nishpa.
Kay llakichiykunapika wañuchiykuna, wanachinapak wichkay, makay, wakllichiy, llaktaymanta katishpa wakllichiy shinallatak ayllukunata chinkachiypashmi, kay tukuy llakichiykunaka runapak kawsayta wakllichiy nishpa, Estatuto de Roma kamachiypak 7 niki killkapi riksishka.
Killkapika, Mamallakta Tantanakuymi Ecuador Llakta pushaktami, ministra de Relaciones Exteriores y Movilidad Humana, Gabriela Sommerfeld runa llamkay wasi pushakwan, kay Corte Penal Internacional ruray taripaykunapi shinallatak Venezuela llaktapi llakichiykuna riksinapi, istallakta kamakkuna yanapashkapi riksichishka willaykunapi kimirishpami mañayta chayachin.
Paktaykuna katichunka, kay yuyaypaktarishkami Llakta pushakman shinallatak Relaciones Exteriores y Movilidad Humana llamkaywasi pushakman chayachinka.
María Tereza Pasquel kamachi killkakka Venezuela llakamanta shinallatak suyu llaktamanta SOS kayachiyka, Venezuela llakta ayllukuna llakipi kawsakushkamanta, llakichiyta, makayta shinallatak paypak munaymantalla pushakta chimpapurashpa ruraykunami kan nirka. Ashtawanka, tawka llaktakunami Nicolás Maduro runata wanachinapak hapichun mañayta riksichishka shinallatak ñukanchik llaktapash mana sakirinachu kan, nirkami.
Rimanakuypika, chusku kamachi killkak rimarirkakuna, paykunaka nirkami kacharishpa kawsanamanta shinallatak llaktayuk chaypikanata arinirkakuna, llaktayukmi kikin kawsayta allichina kan nirkami. Shinapash, kay llaktaka llakichiyta, wañuchiyta shinallatak ayllukuna chinkariytami chaskirka, nirkami.
EG/am/cg-k
Ashtawan Shuyukuna:
