Mamallakta Tantanakuypak N.° 963 niki rimanakuypak wasi ukupi, 116 kamachji killkakwanmi Ecuador llaktapi takishpa, maki rurashpa, hampinapi, yachachinapi shinallatak llaktayukta yanapaypipash riksirishka ayllukunawan unanchata chayachirka.
Riksirishka ayllukunapika Ecuador llakta takik Pamela Cortés runapash chayamurka, payka “Matilde Hidalgo de Procel” unanchatami kay llaktapi takishpa llamkashkamanta chaskirka. Shinallatak Orquesta Filarmónica de Guayaquil tantanakuyta pushak, David Harutyunyan runamantapash takishpa riksirishkamanta unanchata chayachirka.
Ñawi hampinapika, Óptica Gill llamkaywasiman, Juan Carlos Larrea Arroba runa pushakman chayachirka, paykuna pakta alli llamkashkamanta shinalaltak kay llaktapi hampinapi pakta yanapashkamanta.
Shinallatak, Red Juvenil "Mont Soleil" tantanakuy kay El Quinche llaktamanta, Jeffrey Castro, Jonathan Anicete y Juan Carlos Pineda llamkak runakunaman, llaktayukta yanapashpa kawsay tarpuypi llamkashkamanta, yanapashkamantapash riksirishpa chayachirkakuna.
Shuktakmantaka, Cuerpo de Bomberos de Samborondón tantanakuytami tukuy ayllukunapak kawsaypi yanapashkamanta riksirishpa unancharka.
Puchukaypika, Unidad Educativa Antonio Alomía Llory yachana wasita sukta chunka watakuna llamkashkamanta, yachaypi katikushkamanta shinallatak llaktayukta yanapashkamanta riksirishpa unancharkakuna.
Benemérito Shutichiy
Mamallakta Tantanakuyka, chaypikak 117 kamachi killkakkuna arinishkawan, “Benemérito” shutiwan kay Los Rios markapi llamkak 13 Bomberos tantanakuykunata shutichirka, paykuna pakta llaktayukkunata takwa chunka watakunata yanapashpa shamushkamanta riksirishpa.
Kayshina shutichishkapika yuyaypaktarishka, sinchi llamkashka shinallatak kay llamkana wasipi yachaywan llamkashkata riksishkami kan, paykunaka llaktapi llakikuna tiyakpi pakta ayllukunata yanapashka, llaktayukta ukllanapak munaywan llamkashpa shinallatak shamuk ayllukuna kawsaynapak yanapashkata riksirishkami kan.
SH-MEV/am/cg-k
Ashtawan Shuyukuna:
