Mamallakta Tantanakuyta pushak, Henry Kronfle Kozhaya shinallatak contralor general del Estado, Mauricio Torres Maldonado pushakwan, kay Comité Interinstitucional de Gestión Integral de Riesgos (CIGIR) wankuriy wiñachinapak yuyaypaktarirkakuna.
Kay llamkayka Mamallakta Tantanakuypak José Mejía Lequerica wasi ukupimi paktarka, Mamallakta Tantanakuypi llamkachik, Fernando Reyes runaka nirkami kay yuyarinakushka killka CIGIR wankuriyta kawsachin, Ecuador llakta kasiklla kanapi shinallatak sinchi purina wiñachinapi alli puriymi kan. "Contraloría General del Estado shinallatak Mamallakta Tantanakuyta pushak makipurayka sinchiyta pakta llamkanapak yuyaypaktarishkami kan" nirkami.
Kay wankuriyta wiñachiyka llamkaywasimanta sinchi llamkaylla mana kanchu, ashtawanpash llaktakuna sinchiyachinapak ruraykunami shinallatak tukuyshina llakikuna rikurikpi pakta chimpapuranapakmi kan.
Ashtawanka, kay 25 puncha ayriwa killa 2024 watami Mamallakta Tantanakuy, Contraloría, Escolta Legislativa, Hospital Eugenio Espejo shinallatak Policía Nacional tantanakuykuna llakikuna rikurikpi imashina paktarinapi karkakuna. Kay rikuchiypika 300 rikuk ayllukuna, yachachikkuna shinallatak yanapak tantanakuykunpash rikurkakuna paykunaka kayshina ruray allimi kan nirka. "Makipurashpa shuk sinchi Ecuador llakta wiñachiy ushanchikmi kaypi tukuykuna ukllashka shinallak kikinyashka kankapak", nirka.
Kay contralor del Estado, Mauricio Torres runaka Contraloría llamkay wasipi shinallatak Mamallakta Tantanakuypi llamkak ayllukunata ukllanapak makipurashpa llamkana allimi kan nirka. Kayshina rikuchiykunapi imashina kutichishkata riksinami may alli rikurirka nirkami.
Chaykamaka, Mamallakta Tantanakuyta pushak, Henry Kronfle nirkami kay wankuriyka mana shuklla yuyarishkamantachu ashtawanpash makipurashpa llamkaymantami kan; Llamkaywasipura yuyaypaktarishkamanta wiñachishkami shinallatak ayllukunata ukllana yuyaywan rurashkami.
"Kasikana shinallatak ukllanapashmi kay ruraykunapika riksirin. Makipurashpami shamuk pachakunata wiñachishun shinallatak kunanpi tiyashka llakitapash chimpapurashun" nishpami Mamallakta Tantanakuyta pushakka puchurkarka.
GU/am/cg-k
Ashtawan Shuyukuna:
