Mamallakta Tantanakuypi, 79 ari apushitaywan, kay Ley de Armas kamachiy rurana killkata allichinapak Llakta pushak 29 rikuchishkamanta 22 hapirkakuna, shinallatak, 82 ari apushitaywanmi, kallaripi arinishka 7 niki killkakunata kutinpash arinirka.
"Minkarishkakunaka Llakta pushak allichinapak rikuchishkapika ashtawan allikachunmi alli kan, rurashkapi shinallatak yuyaypipash, niki killka, shinallatak kunanpi paktarikuk hayñiwan imashina llamkaykatinapak", kashnami llamkaywillayta riksichik, Diego Matovelle runaka nirka.
Rikuchirkapashmi, Llakta pushak allichinaman kachashkapika illapakuna shinallatak awkakuna, chapakkuna shinallatak wanachina wasita chapakkunapash charina tukyachinatapash riksina, shinallatak Comando Conjunto de las Fuerzas Armadas tantanakuy illapakunata rikunapak paktarikunatapash achikyachin.
Shinallatak, allichinapak rikuchishkapika, llaktata ukllak tantanakuykuna yachachishkata rikuchik iñikllami illapakunata charinapak purichinapakpash arinishka kanka, charikkunapash pakta iñishka kachun shinalaltak yachaypish pakta kachunmi rikuranka.
Pukllanapak illapakunamanta nirkami, "Pukllakkunapash tukyana illapakunata alli purichinapak yachachinamanta mana chikanyankachu ashtawanpash yachanatami charinka, sumaychayta paktanapak alli yachaytami charina paktanka"
Rimanakuypika, Steven Ordóñez kamachi killkak achikyachishpa nirka, kikinpak markapika, El Oro, 335 wañuykunami kay 2024 watapi tiyashka, llakichiykuna mirashkamanta. "Kay llakita chimpapuranapakka, kunanmi pakta kutichiyta chayachinchik illapakunata alli charinapak paktarinapakapash kayshina kikin kawsayta ukllankapak shinallatak kikin kawsayta mitsarinkapakpash". nirkami.
Kay 13, 17, 41, 50, 66, 69 niki killkata, ishkayniki kunanpaklla churashka killkata kutinpash arinirka shinallatak 5, 7, 9, 11, 18, 21, 27, 30, 39, 42, 46, 57, 61, 63, 64, 67, 68, 77, 78, 79 niki killkata, shukniki tukuypak churashka killakta shinallatak iskunniki kunanllapak churashka killkatapash allichinapak kachashkata hapirka, kay Ley de Armas, Municiones, Explosivos y Materiales Relacionados kamachiyka Kamachiy Kipukpi willachishka karka.
CV/am/cg-k
Ashtawan Shuyukuna:
