"Apunchikmanta shinallatak Mamallaktamantapash Iñishpa arinini", kashnami Viviana Veloz Ramírez kamachi killkakka Eckenner Recalde kamachi killkak llamkaypi kallarichikpi kutichirka, Mamallakta Tantanakuyta pushay kallarin, ingeniero Henry Kronfle runapak ranti, payka kamachi killkakmanta anchurinapak Mamallakta Tantanakuypak 968 niki rimanakuypi chayachirka.
Pushay shuktakyayka Ley Orgánica de la Función Legislativa kamachiy rikuchishkata katishpami paktarirka, 18 niki killkapimi llamkaymanta anchurishpaka kari warmi pushak kipapushak nakashpaka Mamallakta Tantanakuypak Consejo de Administración Legislativa wankuripi rimarikpash anchurinka nin, Kay pushakkunaka llamkaymanta anchurinkami: 2 Kamachi killkakmanta anchurikpi.
Viviana Veloz, llamkaypi kallarishpa, utkashpa llamkanapak yuyaykunata, kari warmi ayllukunawan paktarishpa, llaktayukta yanapana yuyaywan allichishun nirka, kay punchakuna mamallakta ancha llakipi kawsakushkata rikurashpa, ashtawankarin wakchakaymanta, llamkay illaymanta, hampinapi yanapay chaskinamanta chikan kashkamanta, yachaymanta llukshinapak yanaṕankapak llamkashin, nirkami.
"Ñukapak llamkayuka kay llamkaywasimanta shinallatak llaktay llamkaymantapash, tukuyta, mutsurishkata llamkashun, achka llaktayukkuna punchanta munashka paktanapak yuyaywan llamkakun, shinapash, rurak tantanakuykunapak, hatun uchilla llamkakkunapak; shinallatak llakta wiñarinapak yanapashkata paktanapak llamkashun", Mamallakta Tantanakuyta pushakka nirka.
Viviana Veloz llamkaypi kallarishka kipa, llaktayuk chaypikanaman kayachirka kaypika Henry Kronfle ñawpa pushakta chaskirka, payka 30 kamachiykuna arininapi llamkarkanchik nirka, llamkaywasitapash achiklla pushashkanchik, istallakta iñishka, shukka, ISO antisobornos kan, kari warmi kamachi killkakta tukuypi yanapashkamanta yupaycharka.
EG/am/cg-k
Ashtawan Shuyukuna:
