Viviana Veloz, Mamallakta Tantanakuyta pushak, Wiñaypak Minkarishkata pushakkunawan rimanakuyta charirka, paykunawanka kunan pushay llamkaypi Kamachi Awllipak llamkay paktanatami rimanakurkakuna.
"Kay pushayka rimanakunapak punku paskashkami kan shinallatak kamachiy awlli llamkay ashtawan alliman paktachunka kari warmi tukuykuna makipuranaman kayachiymi", kashnami Mamallakta Tantanakuyta pushak, nirka.
Kamachi Awlli llamkaymanta rimashpaka Ecuador llakta ayllukuna mutsushkapi llamkayta ñawpakman apanapimi kallarishun nirkami, kay llamkayka kasiklla kanapi, ruraykuna paktanapi, llamkaykuna charinapi, runakunapak hayñipi, shuktakunapipash llamkaymi nirka.
Ashtawanka, llamkaypak churashkapika kasiklla kawsanata rikunapimi kallarishun, kay Código Orgánico Integral Penal kamachiy mushukyachik kamachiyta ishkayniki rimanakuypi arinishpa, kaywanka warmikuna kashkamanta, wawakunata, shinallatak llamkanawasikunapi kikinkayllakichiyta chimpapurankapak,
Mamallaktapak ukunmanta kasiklla kawsaymantaka rimashpa nirkami, Ley de Inteligencia kamachiy allichinapi llamkashun nirkami, kaypika Mamallakta Tantanakuyka llakikunata harkanapak, shinallatak tantarishpa llakichikta harkanapakmi mashkakun.
"Katishunmi kullkimanta, tarpuna shinallatak economía popular y solidaria tantanakuykunatapash yanapak kamachiyta allichinapak, kay Código Orgánico de Soberanía Alimentaria, Código de Fomento Agroproductivo, Ley Orgánica de Inteligencia Artificial kamachiykunata shinallatak shuktakkunatapash", nirkami.
Ancha mutsurikta yanapak ayllukunata ukllak kamachiymanta rimashpa nirkami, "kay Ley de la Primera Infancia; Ley para Prevenir la Desnutrición Infantil; Ley de las Personas Adultas Mayores; y, un nuevo Código de Protección a la Niñez y Adolescencia kamachiy rurana killkatami kallaripika llamkashun”, nirkami.
Pachamama shinallatak tukuy hayñikunamanta rimashpaka nirkami, kay Ley de Comunas, Comunidades, Pueblos y Nacionalidades kamachiyta shinallatak Ley de Aguas, Código del Ambiente kamachiytapash kamachiyrurana ñawpataripay ruranatami kallaripi churashun, nirkami.
CV/am/cg-k
