"Kay pushayka paskashpa punkuwanmi, tukuykunata wankurinaman, rimanakunaman, shuktakyachinaman shinallatak Ecuador llaktayuk mutsushkata paktanaman, Mamallakta Tantanakuypak llamkaywan tinkichinamanmi kayachin", Mamallakta Tantanakuyta pushak, Viviana Veloz, kashnami Kamachiy Awllipak llamkakkunawan, tukuy llamkaykunapakman chayashpa", nirka.
"Mamallakta Tantanakuyka 137 kamachi killkaklla mana kanchikchu, ashtawanpash yachayta chayachinaman shamuk ayllukuna shinallatak llaktata yanapanapak llamkakkunapashmi kanchik", nirkami.
Llamkakpakmanka, Asociación de Empleados de la Función Legislativa (Asosel) pushakkunawanmi chayarka, Viviana Veloz pushakka payllatak chayashpami rikurka shinalaltak ima allichina tiyakpi utkashpa allichinapak llamkaywillayta allichichun mañarka, llamkak ayllukuna pakta pakta chaypi llamkakushkatami chayashpa rikurka.
"Kayshina rikunamanka katirashpami chayasha, shinallami minkarishpa llamkayta paktashun shinallatak llamkaywasipash ukumanta pakta llamkanka, ashtawankarin, shamuk kamachi killkakkuna 2025 wata llamkay kallarichun tukuy allita sakinapak", Viviana Veloz kashnami nirka.
Ashtawanka, llamkakkunaman nirkami llaktayuk chaypikakta mashkak warmimi kani, llaktayukkunapak kikin yuyashkata shinallatak munashkamanpash kimirina charina kan. "Kamachi AWllipi tukuy llamkakkunami kikin yuyashkata shinallatak rimaytapash charina kan, sumaychashka kawsay ukupi", Mamallakta Tantanakuyta hatun pushakka kashn
Kamachi Awllipak pachapuriy
Mamallakta Tantanakuyta pushakka kikin pushakuypi kallariy llamkaypika, wankurishka pushakkunawan, shinallatak minkarishkata pushakkunawan shinallatak kipapushakkunawanpash rimanakurka, killkakamayuk shinallatak prosecretario killkakamayuk llamkashkata taripankakuna, llamkaywasi ashtawan alli llamkayta charichun yuyaymi kan.
RSA/am/cg-k
