Willachikkuna kallari rimanakuypi, Mamallakta Tantanakuyta pushak, Viviana Veloz pushakka Kamachiy Awllipi pushanapak akllarishka shina kay kallari hunkaypi llamkashkatami kallarishpa riksichirka.
Viviana Veloz pushakka kay ñawinchiy willachina hunkaytami paktarinka, tukuy awkarik punchakuna, Mamallakta Tantanakuypak rimanakuyta, Minkarishkakuna shinallatak llaktakunapi llamkashkatapash riksichinkapak. "Munanchikmi willachikkuna shinallatak Ecuador llaktayukpash Mamallakta Tantanakuypak shinallatak pushakpash llamkayta llamkanapash pakta riksichunkuna" nirkami.
Yuyachirkapashmi Mamallaktapak shukniki Pushakshinaka kay llamkaywasi shinallatak llaktaykunatapash, paktanapak, ashtawanka, punchanta hayñikunata anchuchisha nikpi munaywan chimpapurakkuna, rurayta ñawpakman pushakkuna, hatun, uchilla shinallatak tukuy kay llakta wiñarinaman yanapakkunawan llamkakushkata riksichinkapak.
Llamkay paktarinamantaka, nirkami, runapak hayñita ukllanata; runa kasiklla kanata; llamkaypak hayñikunata shinallatak paktashkata charishpa katinatami kallaripi churashun.
Llamkaypi kallarishka kipaka, chay punchallatatak, kimsa warmikunawan tantarirka, runa ayllukunapak hayñita riksichikkuna shinallatak paykunawanka tawka yuyaykunatami riksirkakuna, wawakunapak hayñikuna; rurakkunapak tantanakuy; shinallatak, llamkakkunapak, llamkak wankurishpaka kishpirinamantapash.
Nirkapashmi, runakunapak yachay, llamkay shinallatak llamkak wasikunapash anchami mutsurin kay amsamanta llakta llukshinapak ruraykunata churankapak shinallatak wiñarinapak ñantapash paktachun shamuk wamrakunapak kawsayta sinchiyachinkapak.
Ashtawanka, Mamallakta Tantanakuyta pushakka Asociación de Servidores Legislativos; Escolta Legislativa pushakkunawan shinallatak llamkkkunawan rimanakurka, shinallatak tukuykunami Mamallakta Tantanakuy llamkashpa katichun sinchita llamkashpa katishun, nirkami.
Shinallatak, Comisión de Gobiernos Autónomos Minkarishkawan llaktapi llamkarkkuna, paykunaka Morona Santiago markapi rimanakuy llamkayta charirkakuna shinallatak kaypika Ley que crea el cantón Sevilla Don Bosco kamachiy rurana killkapak ishkayniki rimanakuypak llamkaywillayta allichirkakuna.
Tantachishka llamkayta CAL wankuriman riksichirka, wankuri pushakkunawan; Wiñaypak Minkarishkata pushakkuna shinallata kipapushakkunawan rimanakurka, kamachiy awllipi llamkaywan ñawpakman katinapak, shukniki shinallatak ishkayniki rimanakuypak llamkaywillayta riksinapak, kasiklla kawsanapi, llamkanapi, hampinapi, yachaypi shinallatak kullkillamkaypipash.
Llaktayukkunawan Santo Domingo de los Tsáchilas llaktapi, Municipio, Prefectura, Policía Nacional, Fuerzas Armadas shinallatak Cámara de Comercio pushakkunawan rimanakuy paktashkamanta yupaycharka.
Shinallatak, Concarplat tantanakuyta pushakkunawan, tarpuk ayllukunata tantachik, paykunami imalla llakikuna tiyashkata riksichirkakuna.
Kamachiy Awlli llamkanapak churashka kunan hunkaypi paktarinata rimarka, mikunata charinapak hayñimanta rimashpa kallarirka; kipaka, Sevilla Don Bosco kitilli wiñachinamanta rimanakuy llamkayta charirka; shinallatak Ecaudor llaktapi wawakuna irkuyashka llakitapash harkanapak shukniki rimanakymanta rimanakurkakuna.
Mamallakta Tantanakuyka Guayaquil llaktapimi kay 9 puncha wayru killaka 204 watakuna kishpirishkata yuyarishpa llamkayrimanakuyta charinkakuna. Kay llamkaypillatak sara tarpuk ayllukunawanpash tantarinkakuna.
Kamukuna
Viviana Veloz, killkakunata makipi ayshashpa, kamay huchachiyta charin nishpa yanka huchachishkami kan nin, kaytami achikyachirka shinallatak kay huchachiykunaka mana chasnachu kan, shinallatak kay huchachiykuna shinallatak yanka rimaypash llaktapak llamkayta mana harkankachu, nirkami..
RSA/am/cg-k
Ashtawan Shuyukuna:
