Mamallakta Tantanakuypi, tukuy chaypikakkuna, 116 ari apushitashkawan Sevilla Don Bosco kitillita kay Morona Santiago markapi wiñachinapak arinirka, kayshina yuyarinakushkawanka kay suyu llakta kullkillamkaypi shinallatak llaktayuk wiñarinapak mashkashpa, pushayta llaktayukman kichkiyachishpa shinallatak llakta charishkatapash alli paktashpa, kayshina llaktayuk ayllukunapak kawsay alliyachun.
Victoria Desintonio, kay Gobiernos Autónomos Minkarishkata pushak shinallatak llamkaywillayta riksichikpash, kunan punchaka Sevilla Don Bosco llakta ayllukunapak wiñaykawsayta yuyarina punchami kan. "Kunan punchaka wiñayta yuyarinami kay llaktaka markapak shinallatak llaktapakpash kitiman yallinkapak", nirkami.
"Kunanmi kay ruray kamayta riksichun, shuk kitilli tukuy mutsushkatami kamaypi, charinapipash tantachsihka. Kay Sevilla Don Bosco llaktamanta rimanaka kay llakta achka charishkata rimanami, shuar llaktamanta paykunapak yachaymanta shinallatak atiriy kawsaymantami riksinami, kaypika 13 waranka yalli ayllukunami kawsanchik shinka punchantami llamkashpak ñawpakman purinapak shinallatak ruraykunata paktanapakpash llamkakunchik", nirkami.
Kay rimanakuypika, Celestino Wisun kamachi killkakka Sevilla Don Bosco llaktapi tawka kawsay shinallatak sumak pachamamapash tiyashkata rimarka, shinallatak Luzmila Abad kamachi killkakka nirkami kitiman yallina mutsurinmi, kunanpi llamkay kullki ashalla kashkata rimashpa.
Paymantaka, Héctor Valladarez runaka kay llakta ancha mutsushkapi yanapanata rimarka, shinallatak César Umaginga kitita kamaywan riksishpaka llaktayuk wiñarinapakmi pakta yanapanka, nirkami.
Arturo Moreno kamachi killkakka llaktakuna kikin kawsayta charinami mutsurin, shinaka Sevilla Don Bosco kitika kikin pushaytami charina kan ninmi. Fabiola Sanmartin runaka kay punchaka wiñaymanta riksinami, Ecuador llaktapak 222 niki kitillimi kan shinallatak kayshina paktanapak sinchita llamkakkunata yuyarirka.
Shinallatak, Eustaquio Tuala kay kitiman yallinaka yachaypi shinallatak hampinapi allikanami kan, kikin sumak yachana wasita charinapak. Shinallatak, Jaime Guevara kay mushuk llaktakunata paktami riksina kan, kay llakta ayllukuna atirishkamanta kamaywan shinallak llakta wiñariywan kutichishkami.
Llaktayuk yanapashka
Llaktayuk rimanapi, Ciro Chumpi, GAD Sevilla Don Bosco pushak, Llakta llamkaykullki chayachishka mana paktachu kan shinallatak kitilli ayllukuna tiyashkawan mana paktarinchu. Nanki Saant, Sevilla Don Bosco llaktayuk shinallatak kati kamachi killkak, kay antisuyu llakta ayllukunaka ktiman yallinapakmi mutsushpa kawsarka kayshina kay llakta ayllu wamrakunapak ashtawan paktay tiyachun.
Francisco Andramuño, Morona marka pushak, kay Sevilla Don Bosco llaktaka ashtawan aylluyuk kitillimi shinaka kitiman yallishpaka, llakta wiñarinapak mushuk llamkayta charinka, kikin llakta ayllukunata shinallatak llakta markakunatapash yanapankapak, nirkami.
Lenny Chumpi, kay Gobierno Parroquial Sevilla Don Bosco, kipapushak, kitiyayka kikinmanta kawsayta pushayta charinami kan shinallatak kullkillamkaytapash sinchiyachina, shinami hampinapi,. kasiklla kawsanapi, yachaypipash llakikunata chimpapuranapak yanapanka, shina Sevilla llaktayuk kawsayta allikachinapak.
Nelson Juanga, kay Comité Pro-Cantonización pushak, 66 watakunami yallishka runa kawsayta charishpa shamushkamanta, chaymantami kay kamachiyta arininapak kayachirka, kayshina shamuk pachapi ayllukunapak kawsayta yanapachun.
Puchukaypika, Gonzalo Nawech runaka, Sevilla Don Bosco llakta shinallatak llaktamarkapak shutipi, kay kitita wiñachishpaka llaktayuk ayllukunatami yanapanka takwa ayllu llaktakunapura shinallatak mutsushkapi yanapay chayachinamanta sumaychanka, nirkami.
MEV/am/cg-k
Ashtawan shuyukuna:
