Markakunamanta wankurishka taxi antawa purichik 300 yalli ayllukuna kay Federación Nacional de Operadoras de Transporte en Taxis del Ecuador (Fedotaxis) tantanakushkakunami, Mamallakta Tantanakuyta pushak, Viviana Veloz pushakwan rimanakunkapak, paykunaka Corte Constitucional tantanakuy willachishka killkata kay plataformas digitales llikamanta paktachinapakmi chayamurkakuna.
Mamallaktapi taxi antawa purichikkuna tantanakushkapak shutipi, Jorge Calderón runami kay Corte Constitucional tantanakuypi yuyarishka killkata riksichirka, kaypika "plataformas digitales llikata chapara nishkamanta".
Kaymantaka, Código Orgánico Integral Penal (COIP) kamachiypak 386 niki killkata mushukyachinapak mañarka, kaypika kimsaniki millka, 1 yupay killkapi, kay "mínimo" shimita kay "máximo" shipak ranti churachun mañan. Chaymantami, wankurita pushakka Mamallakta Tantanakuy pushakman, kay plataformas digitales rikunata charik mushukyachinapak shinallatak taxi antawa purichikta yanapak mañayta chayachirka.
Shinallatak kay Ley de Transporte kamachiypak 62a niki killkata charishpa katichun mañarka, kaypika "kay plataformas digitales llikakunaka, allpapi purik antawakuna, kay kamachiypi rikuchishka antanikichik hillaykunami, shukllapak antawakunapakka chikanmi", nishpa rikuchin.
Mamallaktapi taxi antawa purichikkunaman kutichishpa, Viviana Veloz pushakka Kamachiy rurana llamkayka ñawpa wata sasi killamantaka taxi antawa purichikpak kimsa yanapaytami paktashkanchik, kay tantanakuypak paktarina ukupi shinallatak hayñita sumaychay ukupipash. Kamachiy mushukyachinapak mañayta chaskini shinallatak Minkarishkakunami taxi antawa purichikwan paktarishpa llamkankakuna, nirkami. "Shuyanchikmi kikinkuna mañashkata pakta chaskichun shinallatak yuyaypaktarishkata paktachun shuyanchik, Pushak shinalla mana ashtawanpash llaktayukshina", nishpami puchukarka
AM/cg-k
Ashtawan Shuyukuna:
