Kay chishi, Mamallakta Tantanakuyta pushak, Viviana Veloz kamachi killkak hampinapi kanchamanta yanapak wankuri pushakkunawan rimanakurka, paykunaka kay wankurikuna llamkaypi llakikunata Ecuador llakta ayllukuna charishkapi yanapashkatami riksichirka, ashtawankarin kay wankurikuna 2023 watapi llamkashkamanta chani manarak chayashkamanta llakikunata riksichirka.
César Serrano, kay Asociación Nacional de Prestadores Externos de Servicios de Salud (ANPES) wankuriyta pushakka, kay Seguro Social tantanakuy shinallatak llaktata kunan pushakukpak llamkay mana kashkatami rimarka. "Wakin unkushka ayllukunaka diálisis yanaparinapak hillaykuna illashkamanta wañushkami" nirkami.
Paymantaka, Renán Gavilanes runaka kay llakikunamanta shustarishkata riksichirka, nirkami hampinapi kanchamanta yanapakkunaka llamkak ayllukunata anchuchirka shinallatak kullkillamkaypipash wakllirirkakuna, llamkashpa katinapakka kullki mañayman chayarkakuna.
Kutichishpa, Mamallakta Tantanakuyta pushakka nirkami unkushkakuna kayshina llakita charikkuna achkami tiyan shinallatak Mamallakta Tantanakuymanta yanapana munaypash mana illashkachu; chaymantami, tukuy willaykunata killkashpa riksichishkata rikushun chaykipa yanapayta kallarinapak shuk llamkaypankata ruranapak, nirkami.
SH/am/cg-k
Ashtawan shuyukuna:
