Wankurikuna, llamkaywasikuna shinallatak llaktayukkuna yanapashkawanmi, tukuy chaypi kak kamachi killkakkuna, 114 ari apushitaywan, Mamallakta Tantanakuypi kay Orgánica de Cuidados Paliativos Kamachiyta arinirka, kay kamachiywanka ancha unkushka, unkuy kallarikuk, mana hampiriy unkuy, tawka nanaykuna unkuy, ancha nanay shinallatak shuktakyay unkuytapash charik ayllukunata shinallatak wasi ayllukunatami yanapanka. Kayka Viviana Veloz pushakuypi ishkayniki arinishka kamachiy kan.
Arinishka kipaka, Mamallakta Tantanakuyta pushakka kay kamachiyta arininapak apushitashkamanta naparka, kay kamachiyka ayllukunata kikin kawsaypimi yanapanka shinallatak ancha unkushka kashpapish alli kawsayta charichun yanapanka. "Kay yanapayka, mana pantashpa yanapankami, mana hampiriy ushak unkuy charishkata riksishpa, unkushka ayllupak shinallatak wasi ayllupak mutushkaman paktarishpa yanapanka", nirkami.
Kamachiy rurana killkataka shamuk pachakunapi Llakta pushakman chayachinka, rikushpa arinichun nakashapak allichinapak riksichichunpash.
Humberto Tapia kamachi killkak, llamkaywillayta riksichik, kay kamachiy imalla charishkata willanka shinallatak kay kamachiyta hampirinapak alli kawsanapak hayñitami kutinpash charin nirkami; kay cuidados paleativos yanapayman unkushka tukuy ayllukuna chayanapak yanapan, shukllapak shinallatak llaktayukmantapash kimirichin. Ashtawanka, unkushka ayllupak wasi ayllukuna chaypikanatapash kay Sistema Nacional de Cuidados Paleativos wankuriyta kallari
Nirkami kay cuidados paleativos rikuytaka pakta tukuymanta yanapayta shinami rikunka, mashna watayukpash ancha unkuyta charik ayllukuna paykunapak nanaypi yanapankapak, shinallatak paykunapak kawsay anchurinalla kakkuna.
Shinallatak yachachinapak Cuidados Paleativos katik wankuriyta wiñachin, kaymanka cuidados paleativos chuskuniki yachayta shinallatak rikunapak kimsaniki yachayta charik ayllukunami kimiriy ushanka; paykunaka cuidados paleativos yanapayta chayachinapakka munaymantami kimirinkakuna.
Rimanakuypika, kanchis kamachi killkakmi rimarirkakuna paykunaka nirkami unkushka ayllukuna puchukay punchakunapi kawsakukta yanapaymi kan nirka, tukuymanta rikushka, paykunapak ancha nanayta yanapankapak shinallatak wasi ayllukunatapash yanapanakapakmi kan, nirkami.
Kamachiyman kimirishka
"Runapak hayñimi kan, nanaytaka tukuykunami makirushka chimpapurana kan", kashnami Viviana Araujo, Asociación Ecuatoriana de Cuidados Paliativos wankuriyta pushak nirka. Yupaykunata riksichirka shinallatak nirkami Ecuador llaktapika 79 waranka ayllukunami ancha unkushka kan shinallatak cuiadados paleativos yanapayta mutsun, tukuymantaka pichka warankaka wawakunami.
Pablo Proaño, kay Organización Dignidad y Derecho wankuriyta pushakka, kay kutinmi Mamallaktaka kayshina kamachiyta charinka, wakllirinalla ayllukunata yananapak mushuk llaktata wiñachikushkamanta yupaychanchik. "Ancha mana hampirinalla unkuy charik ayllukunaka kipapi rikushka ayllukuna mana kana kanchu, ashtawanpash hampirinapi shinallatak yanapanapipash paktami kan kan" nirkami.
Sandra Cevallos, kay Hospice San Camilos hampina wasi pushakka unkushka aylluta yanapanapi shinallatak kay cuidados paleativos mutsuk wasi ayllukunatami yanapana kan, nirka.
Alberto Vittorio, kay Hospice San Camilo pushakka, kay cuidados paleativos yanapayka ayllukunapak kikin kawsayta sumaychan shinallatak wasi ayllukunaman alli anchurikunpash sumaychan, nirkami.
RSA/am/cg-k
Ashtawan shuyukuna:
