Mamallakta Tantanakuy, Viviana Veloz pushakushka, shuniki rimanakuypi kay Ley Orgánica para Impulsar la Iniciativa Privada en la Transición a Energías Renovables kamachiy rurana killkata riksirkakuna, kay mañaytaka Llakta pushakmi kullkimanta utkashpa rurana nishpa chayachirka, kamachiyka chuya zirmata tukuymanta wiñachinapak shinallatak shuktakyachinapakmi yanapanka.
Valentina Centeno, kay Comisión de Desarrollo Económico Minkarishkata pushak, llamkaywillayta riksichik, tawka kamachiyta ñawpaman arinishkapika shukllapak llamkaywasikunamanta zirmata wiñachinapak tawka yanapaytami kimichishka, kay Impuesto al Valor Agregado (IVA), shinallatak Impuesto a la Renta (IR) manu kullki chayachinapipash. Shinapash, zirma wiñachinapak mushuk llamkaykunapi shukllapak llamkawasikuna kullki chayachichun paskana anchami mutsurin nishpami yuyachirka.
Ashtawanka, nirkami, kunankamaka, zirma illayka Ecuador llaktatami yakumanta zirma wiñaymanta 73% patsakman yallirin, shinaka llaktatami tamyata shuyakuyman chayachin shinallatak chirikuk imashina paktashkaman shuyachinpash.
Kay kamachiyka shukllapak llamkaywasikunaman nakashpaka economía popular y solidaria wankuriyman wasichinata, llamkachinata shinallatak kay Plan Maestro de Electricidad (PME) llamkayñanman kimirinata yanapan.
Kay rimanakuypika 25 kamachi killkakmi rimarirka, paykunaka kamachiy rurana may allimi kan nirkakunami. Kay kamachiy ruranata yanapak wankurikunaka nirkakunami, kamachiyka llaktamanta shinallatak istallaktamanta kullkiwan llamkakkuna chayachunmi yanapanka; shinallatak, zirma wiñachinapak ushay charishkatapash mirachinka, shukllapak llamkaywasikunawan makipurashpa, ashtawankarin zirma wiñachinapak mushukyayman kimirishpa.
Shuktakmantaka, chimpapurashpa rimarikkunaka nirkami Llakta pushakmi kay PME ñawpakyuyay llamkaypi kullkita mana churashpa yanapashka. Shinaka mashkakunmi, kutinpash rikuchishpa, zirma wiñachikta shukllapak llamkakkunaman yallichiymi, llaktapak zirma wiñachinata sinchiyachinapak rantika, nirkakuna, kayshina ruraykunaka wasipi zirmamanta chanitami mirachinka, llaktayukta ashtawan wakllichishpa, nirkakunami.
Rimanakuyta wichkashka kipa, Mamallakta Tantanakuyta pushakka Desarrollo Económico Minkarishkaman kay kamachiy rurana killka tikrachunmi mañarka, kaypi ashtawan rikuchiykuanta allichichun shinallatak ishkayniki rimanakuypak llamkaywillaytapash allichichunkuna.
EG/am
Ashtawan Shuyukuna:
