Mamallakta Tantanakuypi ministra del Interior, Mónica Palencia ñawiriy paktarka, mana pakta llamkashka, Plan Fenix shuti llamkaymanta willay mana tiyashka, shinallatak hatun llakichik ayllukuna wichkashkamanta kishpirishka, ashtawan llakichiykunapash llaktapi mirashka nishpa huchachishkamanta.
Shinaka, Paola Cabezas kamachi killkak chayachishkapika wanachina shinallatak llamkaymanta llukshichinapak mañayka 77 ari, 40 mana shinallatak 16 mana apushitashkatami chaskirka, shinaka mana arinishka karkachu. Kay yuyaypaktariman chayana ñawpaka, ñawinchik Leonardo Berrezueta shinallatak Paola Cabezas kamachi killkakkunami llaktapak llamkaywasi pushak mana pakta llamkashka nishpa riksichirkakkuna.
Leonardo Berrezueta kamachi killkakka nirkami, kay llaktay ñawinchiypika Ecuador llaktapak llaktayuk chaypinakanmi pukllaypi. Shinaka "ministra Mónica Palencia pushakka huchachishkamanta rikuchiyta mana chayachishkachu, ashtawanpash, paypak chayachishka willaypillatak llamkaypi mana paktarishkami rikurin" nirkami.
Shinallatak, Paola Cabezas kamachi killkakka llaktami iñik willayta, kamakyta shinallatak llakichiy mirakuypi wañushka allichiytapash chaskina kan nirkami. "Kay llaktay ÑAwinchiyka llaktayukkkunamantami, kay ñawinchiypika Ministra pushak Llakta pushak kasiklla kasanamanta chayachishka kamaykunata mana paktachishpa llamkashkata shinalltak IVA mirachishkata mana hapishpa yanapashkata riksichinatami mashkakunchik.
Mitsarinapak hayñi
Rimarishkapaka, ministra Mónica Palencia warmika yuyaypaktarinkapakka pakta rikuchiykunami mutsurin, shinallatak payta huchachishkata shitarirka. Ashtawankarin Plan Naconal de Desarrollo llamkaypi kasillakanapak paktashkatami riksichirka, munaymanta llakichishkata ashayachinkapak shinallatak kay llaktapi kasiklla kawsanapak alliyashkatapash. Kaypika, kasiklla kanapak churashka tupu, 2025 watapi llaktayukwan paktarinkapakka, 100 llaktayukkunapi munaymanta llakichiyta ashayachinapakmi churashkanchik, nirkami.
Rimanakuy
Kaypika, Adrián Castro kamachi killkakka ñami pachakuna hatun llakichikkuna kishpichik kamak runakunapak shutita riksichina nirkami. Adriana García nirkami Leonardo Berrezueta shinalaltak Paola Cabezas kamachi killkakkuna ñawinchiyman kayachiyka kallarimantami amsalla kashka nirka. Ramiro Vela runaka kasiklla kawsanami hatun akllarishkaman chayashka, kayka tukuykunapakmi kana kan, nirka..
Ronal Gonzales runaka llamkayñan pakta llamkaymi mana rikurin nirka, shinallatak wañuy yupaykunata rkikuchishpa kay llamkayka hawallimi kan nirka. Sofía Sánchez kamachi killkakka markapi kasiklla kawsanapak mutushkata chayachinami illashka IVA manu kullkita tantachishka kashpapash, nirkami. Juan Carlos Camacho runaka ñawinchiyna paktanatakmi kan markakunapi riksishka yupaykunata riksichinkapak, nirkami.
Luzmila Abad kamachi killkakka wamrakuna kay llakichiy anchata wakllichishkatami rimarka, kay ayllukunata llakichik tantarikunami hapin nirka. María Fernanda Araujo runaka kay Plan Fenix llamkayka llaktayukta mana ukllay ushashkachu nirkami. Pamela Aguirre warmika llaktay ñawinchiy paktashka achikllami kamachiyta katirashpa paktashka nirkami, Puchukaypika, Vicente Taiano kamachi killkakka kay Plan Fenix llamkayka antelequia shinami nkrka shinallatak llaktapi kawsiklla kawsay llakikan nirka.
GC
Ashtawan shuyukuna:
