Mamallakta Tantanakuyta pushak, Viviana Veloz, kay chashka punchaka Mamallakta Tantanakuymanta Corte Constitucional tantanakuypi kay decreto ley kamachiywanka manu kullki tantachinata ashtawan allichina shinallatak lavado de activos llakichiyta chimpapurana nin. Kay decreto kamachiyka, Mamallakta Tantanakuy shitarishka, Llaktapushak mamakamachiywan waktarishpa llukshichishkami", nirka,
"Mamallakta Tantanakuyka mamakamachiwan mana paktakan nishpa mañayta chayachinka shinallatak shuk medida cautelar mañaytapash kay manukullki tantachina harkarichun, kamachi mañashka, Ecuador llakta ayllukunata mamakamachiywan waktarishpa manu kullkita tantachishkamant", nirkami.
Veloz runapakka, Llakta pushak rurashka kamachiyta wakllichishkami kan tawka rikuymanta: kamachiy paktarina mana riksiy, Mamakamachiypak hawata yallina shinallatak Llakta pushay paktarinaman pakta rikuypashmi, nirka.
Llakta pushakka Mamallaktapak tawka ushaykunatami wakllichin, shinallatak llaktapi allikanapak yanantiktapash wakllichin. "Mamallaktapak wakllirinalla llamkayta chinkachikun. Llakta pushak Mamallakta mutsushka tiki kamayta mana sumakchaywanmi kawsakunchik", nirmai.
Mamakamachiywan waktarishkata mañayka kamaykuna alli kachunmi mashkakun. Mamallakta Tantanakuyta pushakka nirkami Mamamallakta Tantanakuyka kay kamachiy rurana killkata mana nirka shinallatak wakichinapak mañarka, pachakuna paktana ukupi. Mamakamachiy rikuchishkata paktana kan shinallatak Mamallaktapak ushaykuna hawa mana yallina kanchu, nirkami.
"Kunanpi Mamallaktapak llamkay ushaykuna llaktata ñawpakman llukshichinapi. Ñukanchik ñawinchinapak, llaktay chanapak, wasi ayllukunapak llamkaykullki rikuna ushayta mana sakina ushanchik. Ñukanchik llaktapi tsikniy llaktay tiyanata mana sakina kanchik", nirkami.
Inés Alarcón, llakta pushakmanta kamachi killkak rimarishkamanta, kay decreto ley kamachiy rurashkata sumaychana nishpa mañashkamanta, Mamallakta Tantanakuyka kamay illak ruraykunataka mana sumaychankachu, nirkami.
"UAFE wankuriyta hapina mashkakun"
"Kay kamachiyka, "antipillo" shutillami. Llakta pushakpak ishkay yuyaytami pakalla charin, Shuk yuyayka, FMI mañashkata paktanapak wasi ayllukunata ashtawan manu kullkita llukshichina; ishkayni yuyayka, Unidad de Análisis Financiero (UAFE) wankuriy paktanami kan", nirka.
Mamallakta Tantanakuyka Ley al Combate al Lavado de Activos kamachiyta arinirka, tawka killakuna ñawpa llakta pushak, Noboa chayachiska, kaypika UAFE tantanakuyta imashina shutichinata riman. Sinapash, kay mushuk kamachiypika Llakta pushak shutichinka, nin.
SA/cg-k
