Mamallakta Tantanakuyta pushak. Viviana Veloz, kay 8 puncha kapak killata watan watan yuyarinapak, Día de Luto Nacional en Memoria de la Justicia y la Lucha contra la Impunidad shutichichun mañarka, kay Malvinas, Guayaquil llaktapi llakinay mancharinata chusku wawakunata wañuchishkamanta.
"Malvinas llaktamanta chusku wawakunata yuyarishpami mañayta chayachishkanchik. Wawarikkunami llakinayta, wakllichishka, makashka kashka", kashnami pushak nirka, runa aylluta llakichiyka mana kunarishkachu kan nishpa yuyachirka.
Nirkapashmi llaktaka ashalla pachatami yuyarin shinallatak, chaymantami kayshina hatun llakichiykunaka mana kunarishpa sakirina kan.
"Tukuy warmikuna, karikuna shinallatak llaktayukkunami kay wawakunapak yaya mamapak ushutapi shararina kanchik. (...) kay llaktaka llaktapak atirikta ashtawan mana mutsunchu, kamay paktachunmi shuyakun", nirkami.
Kay yuyaypaktarishkawanka Mamallakta Tantanakuypak wasi ukupak hawaman tiyarinapash "Malvinas llakamanta chusku" shutita charinka Ismael, Josué Arroyo (15, 14 watayuk), Saúl Arboleda (15 watayuk) shinallatak Steven Medina (11 watayuk).
Yuyaypaktarishka arinishka kipa, 92 ari apushitaywan, Mamallakta Tantanakuyta pushakka llakitukushka ayllukunaman kuchuyashkamanta napani nirka shinallatak ishkay shimi rimaypash achikyashka, shukmanka, llakta pushakkunaka wamrakunata llakta atirk shutichisha nin, shinapash kay yuyaypaktarina killkata mana arininkuna, nirka.
"Rimaypika shuk shimita riman shinapash ruraypika shuktakmi kan. Pakalla yuyaymi kan shinallatak pakalla yuyay kakpipash, ñawita mana mayllay ushankachu", nirka.
MIB/GL/cg-k
