Kay Gobiernos Autónomos Minkarishkapi llamkak kamachi killkakkuna, kay sasi killa 2023 watamanta shinallatak kapak killa 2024 watakamaka, Código Orgánico de Organización Territorial, Autonomía y Descentralización (COOTAD) kamachiy mushukyachinapi; Ley de Creación del Cantón Sevilla Don Bosco wiñachinapi; Ley de Defensa contra Incendios; shinallatak Ley que genera rentas para los GAD de Esmeraldas y Santa Elena kamachiy rurana killka allichinapimi llamkarka;
GAD tantanakuyman utka chanita chayachina
Kay minkarishka ukupi kallaripi riksishka killkaypika Gobiernos Autónomos Descentralizados tantanakuyman wiñayta shinallatak wakinpilla chaskina kullkita utkashpa shinallatak pakta pakta chayachinata rikuk tawka kamachiy mushukyachinka kamachiy rurana killkata riksirkakuna. Kay yuyaykunaka 106 ari apushitaywanmi arinishka karka, shinapash GAD tantanakuyta yanapak kamachiy rurana killkata Llakta pushakka tukuy allichinaman tikrachirka.
COOTAD mushukyachishka
Ashtawanka, COOTAD kamachiy mushukyachina kamachiy rurana killakta apushinatapak allichirka, kay ruraywanka Ecuador llaktapi pakta rakirishpa kikinamanta llamkay paktanapak puriymi kan.
Kay Gobiernos Autónomos Descentralizados (GAD) Tantanakuypak llamkay alliman paktachun shinallatak kashiklla kawsanapak kullki charina ñawpayllamkay, allpata shutichina, ñankunata allichinapak, kitikuna wiñachinapak, allpata pakta chaninapak, shukatak yuyaykunatapash allichinapakmi 42 mushuk yuyaykunata tantachirka.
Shinallatak shuktak 11 kamachiy rurana killkatami riksishpa allichirkakuna, shukniki rimanakuypak ñawpa.
Sevilla Don Bosco
Kay Gobiernos Autónomos Minkarishkami kay Ley de Cantonización de Sevilla Don Bosco kitita wiñachik kamachiyta allichirka, 116 ari apushitaywan Mamallakta Tantanakuypi arinirka, kay llakta ayllukuna alli kawsay mashkashpa mañashkata kutichishpa.
Bomberos
Shinallatak, Ley de Defensa contra Incendios kamachiy rurana killkatapash allichirkakuna, kay kamachiywanka Cuerpos de Bomberos tantanakuy paktarinata, imalla yachanata shinallatak pushakkuna alli llamkay paktanatapash rikunka. Mamallakta Tantanakuyka kamachiy rurana killkata arinirka shinapash kay yanapaykunata achikyachik killkataka Llakta pushakmi tukuy allichina nishpa tikrachirka.
Chani kullkipi kimirina
Kay Ley de Participación de las rentas del Estado a favor de los Gobiernos Autónomos Descentralizados por Industrialización de Petróleo kamachiy rurana killkaka Esmeraldas shinalaltak Santa Elena markakunapash yanaparichun allichikunkuna. Minkarishkakunaka llakta ayllukunapak yuyayta chaskirkakuna shinallatak kay yuyaywan ishkayniki rimanakuypak llamkaywillayta allichinkakuna.
Kuyurihillantantay purichikuna
Shinallakta kay Ley de Transporte Terrestre, Tránsito y Seguridad Vial kamachiyka shukniki rimanakuypi riksinapak llamkaywillayta arinirka, kaywanka wasichinapak shinallatak tarpunapak kuyurihillantakuna purichinapak iñik pankata chayachinka. Llaktayukman riksichiypi tawka ayllukunatami chaskirka, paykunaka imashina paktarinatami riksirkakuna. Kay kamachiy rurana killkakak shukniki rimanakuyta ñami yallirka.
Llakta saywakuna
Minkarishkakunaka Ley de Fijación de Límites Territoriales Internos de la República del Ecuador kamachiy rurana killkata allichishpa katinapak 120 punchakunawan mañarka, ishkayniki rimanakuypak llamkaywillay allichina ñawpa.
Llakay chaparay shinallatak ñawinchiypash
Kay minkarishka llamkak kamachi killkakuna mañashkamanta, 2024 watapika, ñawinchiypi shinallakta llaktay chaparaypimi llamkarkakuna, kay yuyaykunaka llaktayuk mutushkami kashka.
GAD tantanakuypak chanikuna
Minkarishkakunaka, shukniki rimanakuymanta, llakta pushakta GAD tantanakuypak paktarina kullkita chayachichun mañarkakuna, Kay pakta yuyaywanmi Ministerio de Finanzas tantanakuyta shinallatak markata, kitikunata, shinallatak kitilli pushakkunatapash kayachirka.
Olón paktay
Llaktayukkuna mañashkamanta shinallatak Gobiernos Autónomos Minkarishkakuna ñawinchiy kallarishkamantami, wiñaypak minkarishkakuna, llaktaman chayaykuna, pushakkuna chayamushka, llamkaywilla riksichiykuna, "Esterillo Oloncito" wasikuna rurana llamkay sakirin, kay llakta kuskaka osque y Vegetación Protectores a 2.25 hectáreas, mediante Acuerdo 072 de 2001 kuska nishpa shutichishka kashka.
Ley Amazónica kamachiymanta chani
Kay Ley para la Planificación Integral de la Circunscripción Territorial Especial Amazónica kamachiy paktashkata ñawinchiyka, Fondo de Desarrollo Sostenible y el Fondo Comú paktaywanmi rikunata charin, kay rimanakymanta tawka ayllukunami chayamurka kaypimi Antisuyu llaktapak mashna chani chayanata riksirkakuna kay kullkika mintalay llamkaymantami kan, kay kullkika 2019-2020-2021-2022, 2023 llamkay watakunamantami.
Awkikay Sumaychay
Shinallatak ruraykuna katikushka, kaypika Gobierno Autónomo Descentralizado Municipal de Guayaquil tantanakuymi kullki mañanapak sumaychata mañarka kaywanka Programa Integral de Fortalecimiento de la Infraestructura Urbana con enfoque a la Movilidad Activa llamkayta paktanapak, Charishpa karinapak, Kawsay pacha shuktakyayta harkanpak shinallatak kullkimanta wiñarinapipash.
Manabí shinallatak Esmeraldas
Kaypika Reconstrucción y Reactivación Productiva de las provincias de Esmeraldas y Manabí llaktapi 2016 wata allpa chukchuypi llakitukushka allichiynapak llamkay paktashka ñawinchiy llamkaywillayta arinirka, kaypika Ley de Solidaridad kullki mayllamanta llukshishka, mashna chayachishka riksichin, Mamallakta Tantanakuyman kimsa killantakta llamkaywillay chayachina mashkata wakllichishpa. Kay llakitukushka llakta allichinapak kullki tantachinapika USD 117 hunumi paktashka nin.
Portoviejo Hampina wasi.
Kay Finanzas shinallatak Hampina llamkaywasi llamkashkata riksinapak munaywan, kay Hospital de Especialidades de Portoviejo wasichiymanta kay wasika 2021 watapi rupashkamanta, minkarishkakunaka llaktapak llamkaywasi willay chayachichunmi mañarka. Kaymanta, 2024 watapi llamkay kullki paktashkata USD 771.772,62 shinallatak shuktakpika 739.706,28 kullkita riksichkta arinirka. Sakirik kullkitaka Kay rupachiytaka killka 2025 wata llamkaykullkiwan chayachishka kanka.
Antisuyu shinallatak Jujan muyuk ñankuna
Shuktak yuyayka ñankunata alli charinapak mutsurishka kullki, llamkay yuyaypaktarina katikuk, Antisuyu llaktapi shinallatak Jujan llakta muyuk ñankuna kunanpacha llamkay katikuk, kay llamkaykunata willanaman Transporte y Obras Públicas, llamkaywasi pushak, Roberto Luque ñawirirka.
AM/cg-k
