Kay Soberanía Alimentaria y Desarrollo del Sector Agropecuario y Pesquero Minkarishkakuna, kay sasi killa 2023 watamanta, llaktapi llamkak tawka tantanakuykunata ashtawankarin uchilla, maltalla tarpukkunata, wakra wiñachikta shinallatak chalwata hapishpa llamkakta yanapak kamachiyta allichirkakuna. Shinallatak, Tarpuyta, ruraykunata, chalwa hapinata, shuktak llamkay rikuktapash, kay llamkaykunapi llaktapak llaktaykuna paktashkatami ñawinchinka.
Ruraykunata mirachina
108 ari apushitaywan, Mamallakta Tantanakuyka kay Código Orgánico Integral de Reactivación Agropecuaria y Pesca kamachiyta arinirka, kaywanka tarpuypi shinallatak chalwata hapinapi pichka hunu ayllukunatami yanapanka. Kamachiy rurana killkaka Manabí, Galápagos markapi llamka ayllukuna chayachishkatami chaskirka, shinapash ayllukunata yanapak kamachiytaka Llakta pushak Noboa runaka tukuymi allichina nishpa tikrachirka.
Ayllu llakta antawakuna
Tawka kamachiy Leyes para Garantizar la Circulación Terrestre del Sector Agropecuario y Pesquero mushukyachinamanta, runa llakta antawankuna, tarpukkunapak mutsurishkaman paktarinapak shinallatak runa ayllukunata ukllanapak kayshina antawa purichina iñik pankamanta wanachiyta kullkipi ama paktarinkapak. Kay kamachiy rurana killkaka Mamallakta Tantanakuy ishkayniki rikshinapak llamkaywillayta kallarin.
Kamachiy rurana killka
Kay minkarishkapika leyes de Tierras Rurales y Territorios Ancestrales; shinallatak Ley de Recursos Hídricos; shinallatak, kay Código de Planificación kamachiyta, shinallatak kay Ley de Planificación Agropecuaria kamachiy mushukyachinata llaktayukman riksichishpa katikun, kaypi llaktayuk ayllukuna paykuna rikushkata riksichichunkuna.
Shuk Yuyaykuna
Shinallatak, Ley de Agrobiodiversidad, Semillas y Fomento de Agricultura; de Fomento y Regulación de la Apicultura kamachiy mushukyachina. Shinallatak Ley de Fomento a la Producción, Comercialización, Control de la Cadena Productiva e Incentivos para el Consumo de Plátano kamachiy rurana; kay Ley de Fomento y Desarrollo del Sector Agropecuario kamachiy mushukyachina; shinallatak, Ley de Agrotecnología kamachiypash.
Ñawinchina mutsushkata mañaypash
Kay Federación Nacional de Cámaras de Agricultura tantanaky, Ecuador llaktapi sukta suyuta tantachin, paykunami LLakta pushakta shuk -yuyarinakushka killkawan- Minkarishkata 45 waranka ayllukunata kullki mañashkamanta Banco Nacional de Fomento kichuy kallarishkata harkachun kayachinapak mañarka, ayllukunaka kunanpi kullkita kutichiyna mana ushanchu. Shinallatak, kay Banco de Desarrollo del Ecuador (BEDE) pushak, Carlos Rivera; shinallatak, Servicio de Rentas Internas (SRI) pushak, Damian Larco chaypi karka, paykunami kay gobiernos autónomos descentralizados wankuriykuna llaktamanta yanapay chaskichun shinallatak manu kullki yanapaytapash tarpukkunaman chalwata hapikkunaman chayachichun mañayta riksichirka.
Shuktakmantaka, llaktapi hampina rikukkunawan, llashak antawan mikunakuna kawirishkashinata riksirkakuna; shinallatak, kay Ministerio de Agricultura y Ganadería; kay Corporación Financiera Nacional (CFN); kay BanEcuador; kay Superintendencia de Bancos; shinallatak, kay Junta de Política y Regulación Financiera tantanakuykuna, shuktak ruraykunapipash, tarpukkuna imashina paktarikushkata riksirkakuna, tamya llakikuna paktarishkamanta. Nirkapashmi, Manabí markapika kamay paktana rikuchikkuna rurana killakta tawkami tiyan, kay MIDUVI paktarinapika mañaykuna ñawpashkami, shinapash gobiernos autónomos descentralizados tantanakuykuna llaktayukta yanapachun mutsurin, paykunami imashina allpapi paktarinapak yuyaykunata achikyachinka.
Shinallatak, kay Desarrollo Urbano y Vivienda wankuriyta kipapushak, Jorge Burneo runaka nirkami 40 hunu dólar yalli kullkitami wasikuna ruranapak charinchik nirkami. Kayshina rikuypika, San Cayetano llamkayta, kay Chone kiti, Manabí markapi paktarishun, kay yanapayka 325 wasi ayllukunatami yanapanka, kay willaytami Soberanía Alimentaria y Desarrollo del Sector Agropecuario y Pesquero Minkarishkaman riksichirka.
Llaktapi llamkaykuna
Minkarishkakunaka Posorja llakta, Guayas markapi llamkarka, kaypika chalwata hapishpa yakupi llamkakkuna mutushkata uyarkakuna, paykunapak llamkaypi ima mutsurishkata riksinkapak shinallatak Código Orgánico Integral de Reactivación del Sector Agropecuario y Pesca kamachiy ruranapak yuyaykunata chayachirka.
Shinallatak, Ricaurte kitilli, Urdaneta kiti, Los Rios marka pushakpakman chayarka, kay suyu llaktapi llamkakuna mutsushka riksinapak, shinallatak kay kamachiy rurana killkapi yuyaykunata paktarichinkapak
EG/cg-k
