Ashallapak minkarishkakuna Mamakamachiyta ashallata mushukyachinapak killkakunata riksinapika istallakta awkakuna kay llaktapi tiyarinamanta shinallatak llakta wankurikunaman kullki chayachinamantami riksinkakuna, kay mañaytaka Llakta pushak Daniel Noboa chayachirka, kay mañashkataka Corte Constitucional tantakuy riksishkami kan.
Kayshina rimanakuypimi, 30 puncha wayru killa 2024 wata, Mamallakta Tantanakuy, 108 ari apushitaywan, Ashallapachapak Minkarishkata wiñachirka, paykunami Mamakamachiyta ashata mushukyachinata riksinkakuna kaypika istallakta awkakuna kay llaktaman chayamunata rikunkakuna, kay minkarishkapika Gissela Garzón (pushak), Rafael Dávila (kipushak), Sofía Sánchez, Mariana Yumbay, Arturo Ugsha, Nathaly Murillo shinallatak Jorge Peñafiel kamachi killkakkunami llamkanka.
Ashalla mushukyachishkawanka Mamakamachiypak 5 niki killkatami anchuchinapak mashkakun, kaypika ninmi: Istallakta awkakunapak wasikuna shinallatak yaykurinapash mana ushankachu. Llakta awkakunapak wasita kasiklla kawsanapak istallakta awkakuna chayachinata harkanmi" nin.
Minkarishkakunaka shukniki rimanakuypak llamkaywillayta allichikun, llaktayukkunaman riksichina pacha puchukakpi shinallatak tawka wankurikuna yuyay chayachishkata riksishka kipa, kay rimanakuymanka pushakkuna shinallatak mamakamachiymanta yachakkuna, runapak kamachiyta riksikkuna, mamakamachiyta ñawpa killkakkuna, ayllukuna, lllaktayukkunami chayarkakuna.
Kallari hatun yuyaykunaka istallakta awkakuna kay llaktaman chayamuna harkashkatami rimanakukun, kayshina Ecuador llakta ayllukunapak sumaychata charishpa katinapak, kay punchakuna allpa pachapi kawsay paktashkata rikushpa. Shuktakpika, istallakta yanapakkunaka kayshina rikunata mana munanchu, ashtawanpash Ecuador llakta yanaparik llaktakunawan yuyaypaktarishpa arinishkatami shuyakun, nirka.
Pushakkuna akllanata riksichiy
Chashnallatak, kay 18 puncha kapak killa 2024 watami, Ashalla pachapak Minkarishkakuna tantarirka Mamakamachypak kay 110 shinallatak 115 niki killkata mushukyachinkapak, kaypika llaktay wankurishkakunamana kullki chayachina rikuchishkata allichinkapak shinallatak imashina llaktay paktarinatapash kamankapak. Minkarishkakunaka Lucía Posso (pushak), Arisdely Parrales (kipapushak), María de Lourdes Alarcón, Nathaly Farinango shinallatak Carlos Rodríguez kamachi killkakwanmi paykunami Kamachiy Awlli samana pachamanta tikrashpa llamkay kallarinka.
Minkarishkakuna tukuykuna chaypikanata rikurashpa shinallatak llaktay tantanakuykuna chaypi kachun rikurashpa allinta riksinakuna, llaktay tantanakuykuna imashina chapaykuna tiyashkata sumaychankapak, ashtawankarin Llaktapak kullki chashkishata paktarinkapak.
Kaypi paktarikkunaka Ministerio de Finanzas, Contraloría General del Estado, Consejo Nacional Electoral, Tribunal Contencioso Electoral shinallatak pushakkuna akllanapak tukuypi rikuna charikkunawanmi rimanakushpa yuyayta achikyachinakuna.
Shukniki rimanakuypak llamkaywillaytaka kimsa chunka punchakunamanta sukta chunka punchakunakamami allichinka, kashnami Ley Orgánica de la Función Legislativa kamachiypak 73 niki killka rikuchikuna.
EG-RS/cg-k
