Kay Corte Constitucional tantanakuyka, tukuykuna kimirishpa, shuk yuyarinakushka killkawanmi Mamallakta Tantanakuy kaypika mamakamachiy waktarishkami tiyan nishpa rikuchishkata kutinpash arinishka, kay killkawanka Ecuador llakta ayllukunaman ashtawan manu kullki mirachinatami harkana, Llakta pushakmanta Registro Oficial kamayman chayachishka karka.
Mamakamachiy rikuchishkata pakta riksichik hatun tantanakuyka rikuchinmi, "Mamallakta Tantanakuyka, pachakuna rikuchishkata katishpa llamkaywanmi, kamachiy rurana killkata shukniki rimanakuypi mana nina shinallatak wakichinapak ushayta charin, shinaka ishkayniki rimanakuyman chayanatakka mana kanchu".
Mamallakta Tantanakuy, Llaktapak shukniki ushak, kari warmi llaktayukkunata riksichik, kamaykuna mitsarishpa katinkami shinallatak kamachiykunawan manu kullki mirachinata harkanka. shinallatak Ecuador ayllukunapak kullkita anchuchinata chimpapuranka, nirkami.
