88 ari apushitaywan, Mamallakta Tantanakuyka Daniel Ramos kamachi killkak mañashkata arinin, kaypika Llakta pushakta kay Red Vial Amazónica ñankunata allichichun kayachin, kayka Sucumbios markamanta Zamora Chinchipe markaman chayan. Kay yuyarinakushkawanka ñankunata allichinapak shinallatak ñankunapi tiyashkata rikunapak kullkita chayachichunmi mañan.
Kay yuyarinakushka killkawanka Ministro de Transporte y Obras Públicas pushakta kay Gobiernos Autónomos, Descentralización, Competencias y Organización del Territorio Minkarishkaman kayachin, chayamushkapa Red Vial Amazónica ñankuna allichinapak tukuy llamkaykuna paktanapak churashkata, mashna kullkita shutichishkata, shinallatak utkashpa llamkanapak pachakunatami riksichinka nin.
Rimanakuypika kay yuyaykunatami riksinkakuna: Lago Agrio-La Joya de los Sachas ñankuna; Los Zorros ñan, Orellana, Napo markawan Napo Manya kullashuyuta muyuk; 6 chakakuna Auca ñankunapi, Coca llaktakta Dayuma shinalaltak Inés Arango llaktawan tinkichik; Papallacta-Baeza-Narupa-Loreto-Coca ñankuna; Napo, Sucumbíos markapi socavón suchurikukta allichinapak yachaykuna; shinallatak, Coca manya purina suchurikukta rikuna, kay llakimantami tawka llakta ayllukuna paykunapak kawsanamanta Napo, Sucumbíos, Orellana markamanta llukshina tukushka.
Ashtawanka, Sucumbíos, Napo, Orellana, Pastaza, Morona Santiago, Zamora Chinchipe marka pushakkunata kayachishka kaypimi kay markakunapi llaktapak ñankunata rikunapak mutsurishkata rimanakunkakuna.
Puchukaypika, yuyarinakushka killkaka Gestión de Riesgos killkakamayuktami kayachinka paymi Coca mayu suchurikuypi imashina paktarikushkata riksichinka shinallatak kay marka llaktapi kuchullapi kawsak ayllukuna karuyakunkuna.
Daniel Ramos, shuk yuyarinakushka killkata riksichikka, Ecuador Antisuyu llaktapi ancha llakimi tiyan nirkami, shinallatakkay suyu llakta llamkashpa katinapak utkashpami sumaychayta chayachina kan, nirkami.
MEV/cg-k
Ashtawan Shuyukuna:
