Mamallakta Tantanakuyka Ecaudor llakta ayllukuna istallaktapi kawsakukta mitsarirka paykunaka Estados Unidos llakta llaktaykuna wakllichishkata shitarirka, kayshina rikuykunaka istallakta paktarina mana kanchu nirka.
Kay yuyayka Ernesto Pazmiño kamachi killkak chayachishkami, payka nirkami Ecuador llakta ayllukunata istallaktapi wakllichik llaktaykunata shitarinami, nirka. Willarkami kay 2007 watamanta 2017 watakamaka 87 waranka ayllukunami llaktamanta rirka; shinallatak, 2017 watamanta kay 2024 watakamaka, Ecuador llaktamanta 500 waranka ayllukunami llukshishpa rishkakuna, nirkami.
Istallaktapi kawsakuk ayllukunataka runata shinami rikuna kan shinallatak mana, kullkita chayachikta shinalla rikunachu, nirka. Kayshina llamkaypika, ayllukuna purinakuypi hayñikunata sumaychanapak ukllanapak rikunaman kayachirka.
Rimanakuypika, kamachi killkakkunaka kullkiwasi samana pachakunapi shinami llukshikunkuna, Llakta pushaymanta kunkashkamanta llamkay illashkamantapash.
Tawkakunami Estados Unidos llaktapi ñukanchik ayllukunata wakllichiyta shitarirkakuna, ashtawankarin Ecuador llakta 31 waranka ayllukunami tikrashkakuna, chaymantami kayshina wakllirishka ayllukunata shinallatak wasi ayllukunatapash yanapayta chayachina kan, nirkami.
Chayachishka yuyaykunawanka shuk millka yuyaytami killkarkakuna, tikramuk warmikunata, Participación Minkarishkapi kay kamachiyta riksina kan.
Kay istallaktapi kawsakuk ayllukunapak hayñimanta 18 ayllukuna rimashka kipa, rimanakuyta harkachirka.
AM/cg-k
Ashtawan shuyukuna:
