Mamallakta Tantanakuypimi Ley Sobre Obligatoriedad de Disponer de Desfibriladores Externos Automáticos Portátiles (DEA) kamachiy killkata shukniki rimanakuypi riksirkakuna, kay rimanakuyka Derecho a la Salud y Deporte Minkarishkapi allichishka llamkaywillaypimi paktarirka.
Kaymantaka, llaktayuk rimanakuypi, Nelson Campos hampina yachakka kay desfibriladores antakunaka llaktayuk paktanami kana kan, kayshina shunku unkuy waklliriyta harkanapak kayshina hampina wasiman chayay paktankakama.
Paymantaka, Humberto Tapia kamachi killkakka kayshina mashkay pakta allimi kan nirka, chunka ayllukunamantaka kimsami shunku unkuypi kankuna. Kayshina antakunaka kawsayta kishpirichun yanapakkunami kan, nirkami.
Shinallatak, Carla Idrovo nirkami kay cardiovasculares unkuykunaka kay llaktapika wañuyman chayachikmi kan shinallatak ayllukunaka utkashpa yanapanapak yachayta charinami kankuna, nirka.
Ka yakamachiyka DEA antakunata utkashpa yanapana wasikunapi charinapaktakmi yanapan, kayshina antawa hapinakunapi, yachana wasikunapi, pukllana wasikunapi, shuktakunapipash. Kamachiyika ninmi kayshina antakunaman ayllukuna pakta chayanapakka willayta, unanchashkata, yachashkata, allichianta, paktarinallatami charina kan, kayshina tukuy utkashpa yanapanapak chayanaklla kachun.
Puchukaypika, minkashka pushakuk, Esther Cuesta kamachi killkakka kay Kamachiy rurana killka Minkarishkaman tikrachun shinallatak kaypi ishkayniki rimanakuypak llamkaywillayta allichichunmi mañarka.
SH/cg-k
Ashtawan shuyukuna:
