Kay inti 23 puncha chishi pawkar killa, Ashapaklla Minkarishkakuna Mamakamachiypak 110, 115 niki killka mushukyachinata shukniki rimanakuypak riksina llamkaywillayta arinirka, Llakta pushak chayachishka, kaypika llaktay wankurishkakunaman kullki chayachinamanta rikun.
María de Lourdes Alarcón kamachi killkakka llamkaywillayta arinina nirka, Minkarishkapi llamkak pichka kamachi killkapak yanapayta chaskishpa.
Paymantaka, Minkarishkata pushak, Lucía Posso, kamachi killkakkuna shinallatak yachakkuna llamkashkatami riksirkakuna, kaypika llaktayukkuna pakta paskarishpa yaykuchunkuna shinallatak chayachishka llamkaywillaytapash mushukyachichun.
Kay llamkaywillaypi tantachishka yuyaykunapika, Minkarishkakunaka kay Plan Nacional de Desarrollo hatun killkariksichikwan pushaykuna, alli rikuykuna shinallatak llaktapi kullki tukuchinapash pakta pakta kachun munaywanmi Llakta pushakka chayachishka. Shinallatak, shuk hatun kimichik rimanakuy mutsurinmi nirka, kaypi llaktaypi llamkakkuna, yachachikkuna, llaktayukpak shutipi rimakkuna shinallatak chapakkunapash chaypi kachunkuna.
Kaypika, Minkarishkakunami Mamallakta Tantanakuyta pushakman llamakywillayta chayachinapak yuyarirkakuna, tukuy kamachiy killkakkunaman riksichishka kachun.
SH/cg-k
