Tukuy chaypikakkunami, 115 ari apushitaywan, Mamallakta Tantanakuypi kay Ley Orgánica de Transporte Terrestre, Transito y Seguridad Vial kamachiy mushukyachinata arinirka, kaypika Tipo G iñik pankatami tukuy wasichik anta, ñankuna rurak anta shinallatak tarpuk antakuna purichikman chayachin, kay Tipi C iñik panka charinata mana mutsushpa.
Kamachi mushukyachiypika kaypi llamkak ayllukunata pakta yachachinapak shinallatak iñiyta chayachinapak rikuran. Ashtawanka, ruray paktana pachata ashayachin shinallatak kullkipipash ashayachin, kayshina wasichikta shinallatak tarpuk antakuna purichinata paktanapak iñik pankata charinapak. Kay kamachiyka kunapi Mamallakta Pushakuk llamkashka 55 kamachiymi arinishka rikurin.
Arinishka kipaka, Mamallakta Tantanakuyta pushak, Viviana Veloz kamachi killkakka, Gobiernos Autónomos Minkarishka llamkashkata riksirirka shinallatak kay llamkayka pakta mutsushkami karka nin, kayshinaka llaktayukkuna llamkay paktanapakmi yanapan, nirkapashmi.
Apushitana ñawpaka, Victoria Desintonio kamachi killkak, kay kamachiypak llamkaywillayta riksichik, kunanpika wasichik antakunata purichik runakunaka Tipo C iñik panktami charina kan, chaymi llakta ayllukunata shinallatak wasichiypi llamkak ayllukuna pakta llamkayta charinata harkan. Chaymantami, kamachiy mushukyayka kay harkayta anchuchinata mashkan, kayshina llamkayman pakta chayanapak, kay iñik pankata mana charishpa paktanapak.
Kay mushuk kamachiyka mutsushkatalla mana ashayachinchu, ashtawanpash kayshinapi llamkakkunata yachayman kimichin, kayshina ashtawan pakta llamkayta charichun shinallatak llashak antakuna purichinapi paykunapak kawsaypi pakta alli kachun. Shinallatak, kay antawa purichina yachaypi shuktak llamkaywasikunapash kimirichunmi kayachin, kayshina iñik panka paktanaman yaykuchunkuna.
SH(cg-k
Ashtawan shuyukuna:
