Kimsa chunka kimsa watakuna Pedernales kiti wiñarishka paktashkamanta rimanakuyman, Mamallakta Tantanakuyta pushak, Viviana Veloz, chayarka, kay llaktapi kawsak ayllukunata kamachiykunawan, llamkaywanpash pakta yanapana yuyay charishkatami kutinpash riksichirka.
Mamallakta Tantanakuypak llamkayka punku paskashkami shinallatak Manabí llakta ayllukunata yanapanapakmi, ashtawankarin Pedernales llakta ayllukunata, paykunaka sinchita llamkak ayllukuna shina riksishkami, tukuymanta shayarik shinallatak tukuy llakikunatapash mishak llaktami kan, nirka.
"Kunan, kayman chayashkamanta kushiyashpa, kay hatun punchapi kikinkunawan, Pedernales llakta kari warmi ayllukuna sinchi ñawpakman purik runakuna kashkamanta kushiyani, kikinkunaka kay 16 ayriwa killa 2016 wata hatun llakimanta ishkay wataman mana chayashpa kitita allichirkankichik", nirkami.
Kay kitika, Apunchikpak maki chayashka, kiti wiñarinapak tukuy mutsushkata charikmi kan, llakta kawsaywan llakta riksina llamkaywan paktarishka, kayshina llamkay riksishka ayllukuna kashkata riksirishkamanta ñawpakman katinapak, nishpami puchukarka.
Paymantaka, marka pushak Leonardo Orlando, llakta wiñarishkamanta shinallatak alliyashkamanta rimashpa, Mamallakta Tantanakuy pushak, Viviana Veloz, kamachiy killkakta Manabí markata REgión Mundial de Gastronomía 2026 shutichishkamanta yupaycharka.
Rimanakuy raymipika tawka llamkay wasikunaman; kari warmi ayllukunaman marka llaktapi riksirishkamanta shinallatak yachaykunapi, kawsay tarpuypi, pukllaypi, llakta wiñarinapi, shuktak llamkaykunapipash ñawpakman paktarishkama unanchata chayachirkakuna.
RSA/cg-k
Ashtawan shuyukuna:
