Kay Llaktay ñawinchiy Margarita Hernández, Economía Popular y Solidaria tantanakuyta ñawpa pushakta llaktay ñawinchiy kallarinapak, Xavier Jurado mañayta chayachirshka, llamkayta kamachywan mana paktarishka nishpa chayachishkapi willaykuna shinallatak riksichiykunatapash chayachishpa kallarirka.
Huchachikmanta, Freddy Monge runa, intendente general técnico yachakka kay 2 puncha kapak killa 2024 watami kay Cooperativa de Ahorro y Crédito Cámara de Comercio de Ambato kullki wasita chinkachinapak yuyaypaktarirka nin, kulki tukurishkamanta, chapayta mana paktashkamanta shinallatak kullki chayachikman mana chanishkamanta.
Chinkachinapak kimsa hatun yuyaykunatami riksirkanchik nin: Kay Programa de Supervisión Intensiva (2022-2024) chaparay mana paktashkamanta; llamkana kullki (50%) asha mutsurishka tukurishkamanta; shinallatak, 62 kullki chayachikkuna huchachishkamanta.
Tawka kamachi killkakkuna tapushka kutichishkapi, llamkak runaka nirka Corporación del Seguro de Depósitos (COSEDE) tantanakuywan willay paktarishkanchik shinallatak shinallatak ñami ishkay kutinpi kullki chayachikman tikrachikunchik, 80 hunu dólar kullkitami tukuy 101.4 hunu dólar kullkimanta ña chayachishkanchik, nishpaka, ñami 90% paktsakta tikrachishkanchik.
Kallaripi utkashpa willayta mana uyarkakuna shinallatak rikuchiypipash utkashpa rikuna nishkata mana katirka, kay wakllirinapak rikuchishkamanta (achka hatun), kay llamkaytaka Superintendencia llamkay wasimi kallarina karka.
Kipaka, Evelyn Cárdenas runa, Supervisión a Organizaciones de la Economía Popular y Solidaria tantanakuyta chaparak, pay riksishka willaykunamanta rimani nirka, paypak llamkay ukupi mana rurashka kashkamanta, ashtawapash ñawpa pushakkuna allichishka. Kaypika tawka llakikuna tiyashka nirka, kayshina 02 puncha wayru killa 2024 watapi huchachishkawan riksichishkapi, mana wanachiyman chayashka karka.
Nirkapashmi, kunan pushakkukkuna kutin alli rikukpika, 6 watakunapi shuk kutinllami 6% kullki wasikunata rikuy paktashka kay superintendencia rikuy paktanamanta.
Paymantaka, Cristina Luna, mamallaktapi Riesgo tantanakuyta pushak, 2024 watapi kay Intendencia Nacional de Riesgos tantanakuyaman shuk Plan de Supervisión killkata chayachirka kay willaypi kullkiwasipak shutipash karkami, nin.
Chaykamaka, willay riksichina pachakunapi, Jorge Moncayo, ñawpa exintendente general técnico runaka, wakllirinallata rikunapak chapaykunaman kimirin, kay rikuyka kanchamanta nakashapaka chayashpa rikuymi kan, antanikichik llika paktashkata katirashpa.
Kay exsuperintendenta, Margarita Hernández warmika, willaykuna mañashkata Superintendente man pakta kutichishkachu nirka, chaymantami paktaykunawan kay hayñikunata charinapak ruryakunawan paktachun mañashka kan. Kay ñawpa exintendente Moncayo runataka imalla rikuykuna paktanatami riksichirka, pay pushakuy llamkaypi ruraykuna achikyachun kay tantanakuykuna paktarinamanta, tantanakuypak kamachiy mushukyachinapi.
Pedro Brito, llaktapak exintendente nacional de Supervisión de Entidades del Sistema Financiero pushak runa, kay 2021 wata tukuriypi kay kullki wasiman chayashpa rikushka kipa wakllirina rikurishkata willarkanchikmi, chaymantami Programa de Supervisión in situ ruray ukupi kimichirkanchik; shinallatak tukuyta alli rikunapipash kay llamkayka 2022 wata puchukarka. Kipaka, kullkiwasika pakta chaparay llamkayman kimirirka ishkay watatami paktarka shinallatak 2024 watami puchukarka, tukuy paktashkata rikushka kipa.
Pachapuriy
Chaypak ñawpaka, Fiscalización Minkarishkami willaykuna chayachina pachakunata kallaripi riksirka, kaypika awaki 14 puncha aymuray killa wañirinapash chruashka, shinallatak 19 puncha ayriwa killakama tukuy llamkaywillayta chayachinapak.
RSA/cg-k
