Mamallakta Tantanakuy kay chillay punchami Consejo de Participación Ciudadana y Control Social (CPCCS) Tantanakuypi kipa rimarik runakunata llamkaypi kallarichinka; shinallatak, tawka yachak minkarishkakunata llakta llamkaywasi pushakkuna 2024 watapi llamkay paktashkatapash kay kullki killa chayachishkata rikuchun akllanka, kay paktayka Orgánica de la Función Legislativa (LOFL) kamachiypak 47 niki killkapi rikuchishkata paktashpa.
Shinaka, Mamallakta Tantanakuyta pushak, Viviana Veloz, kamachi killkak mañashkamanta, Killkakamayuk Mamallakta Tantanakuyta 1019 niki rimanakuyman kayachirka, rimanakuyka kay killay, 16 puncha ayriwa killa, 12h00 pachami paktanka.
Mamallakta Tantanakuyka David Rosero Minda, Óscar Ayerve Rosas, Roberto Gilbert Febres Cordero, Monika Mosquera Romero, Tatiana Sampedro Alomoto shinallatak Mónica Moreira Morán runakunatami, kay CPCCS tantanakuypi kipa rimarik runakunata, Killka Nro. CPCCS-SG-2025-0100-OF mañayta; shinallatak, yuyarinakushka killka N.° CPCCS-PLE-SG-004-O-2025-0037 mañashkata, María Gabriela Granizo Haro runa, kay CPCCS tantanakuyta minkashka pushakuk chayachishkata paktachishpa; shinallatak, Mamallaktapak procurador general del Estado, Juan Carlos Larrea kamak, consejero David Rosero runamanta riksichishkata katishpa paktanka.
Puncha rimanakuy llamkaypika yachak tawka minkarishkatami Mamallakta Tantanakuyman 1005 niki rimanakuypi wata llamkaywillay chayachishkata riksichinkuna akllanka, kay llamkayka LOFL kamachiiypak 47 niki killka riksichishkata katishpa.
Kamachiyka ninmi Función de Transparencia y Control Social, Consejo de la Judicatura, shinallatak Defensor Público, Fiscal General del Estado, Contralor General del Estado, Procurador General del Estado, shinallatak Tribunal Contencioso Electoral, Consejo Nacional Electoral tantanakuyta pushakkuna shinallatak kay kamachiypi rikuchishka tukuy pushakkunami Mamallakta Tantanakuyman watapi llamkashka llamkaywillayta katik wata kallari killapak kimsa hunkay ukupi chayachina kan, nin.
Ashtawanka, Mamallakta Tantanakuypak yachak minkarishkamanka paykuna kayakpi chayay ushankami, kaypi llamkaywillay chayachishkata ashtawan achikyachinkapak shinallatak riksichinkapapash.
Kay LOFL kamachiypak 47 niki ishkay niki killkapi rikuchishkamanta shuk nakashpaka tawka yachak minkarishkakuna killkata chayachishka kimsa chunka punchakuna kipami riksina kan, ninmi.
EG/cg-k
