5 ari apushitashkawanmi, Mamakamachiyta (5 Niki killkata) mushukyachinapak Kunanpaklla Minkarishkakunaka pachakuna mirachishkata arinirkakuna, paykuna paktarina pachakunaka 28 puncha ayriwa killa 2025 wata puchukashkamanta. Kay mirachishkawanka Mamallakta Tantanakuy pushakmanmi Mamakamachiy mushukyachinapak pakta rikushpa, kamaywan paktachishpashinallatak llaktayukman pakta riksichik llamkaywillayta ishkayniki rimanakuypak chayachinka.
Gissela Garzón kamachi killkak, Minkarishkata pushak, pachakuna mirachishkaka Orgánica de la Función Legislativa shinallatak Reglamento de las Comisiones Permanentes y Ocasionales kamachiypimi kimirin. Shinaka, kay pachakuna mirashkaka Minkarishkapak llamkayta mirachinapak mana mashkakunchu. ashtawanpash Mamallakta Tantanakuypak llamkay ashtawan achikllla alli kachunmi rikukun.
Kaypi rimarishpaka, willarkami, llamkanapak pachakunata achikyachishka kipaka kay hunkaypimi tukuy riksichikkunata willachun chaskinka, kay willaykunawan puchukay llamkay willayta allichinkapak, shinaka tukuyta 28 puncha hunkay ayriwa killapi chaskinapak shuyakun.
Shinallatak, willayka yachakkuna rimanakuypimi tukuy allita rikushpa killkata allichinkakuna, alli yachaywan rurashpa shinallatak willaykunatapash pakta kimichishka kachun.
"Minkarishkapak llamkayka llamkaywillayta arinishkawan mana puchukanchu, kipataka, tukuy willaykillkata shinallatak chayamukpak shutikunatami tantachishpa Killkakamayukman sakishpa rishka. Chaymantami, kay pachakuna mirachishkapika tukuy llamkay achiklla kachun shinallatak rikuykunapash pakta kachun mutsurishka kan", kashnami Garzón runaka nirka.
Puchukaypika, llamkaywillayta arinishka kipaka, aymuray killapak shukniki hunkaypimi tukuy mutsurishka pankakunata chayachinka, kamachi awlli mañashkata paktashpa shinallatak shamuk kamachi killkakkunapak llamkaypi, kay mushukyachiywan katichunkuna, nirkami.
MEV/cg-k
