Mamallakta Tantanakuy, 1020 niki rimanakuypi, kay Sala Especializada de lo Penal, Penal Militar, Penal Policial, Tránsito, Corrupción y Crimen Organizado de la Corte Nacional de Justicia tantanakuy uku, Francisco Andrés Cevallos Macias kamachi killkak llullashpa llakichishka nishpa huchachishpa wanachinapak mañashkata mana arinirkachu, kay mañaytaka Código Orgánico Integral Penal (COIP) kamachiypak 182 niki killkapi rikuchishkata katishpa mañashka.
Mañaytaka Nataly Morillo kamachi killkakmi chayachirka chaymantami Mamallakta Tantanakuyka llaktapak kamak, doctor Julio César Inga, mañay chayachishkata rikushpa kay causa penal Nro. 17721-2025-00008 killkapi rikuchishpa Francisco Andrés Cevallos Macías kamachi killkakta llullashpa llakichishka nishpa wanachiyta kallarinapak mañayta chayachishka, chaypi kak tukuy 109 kamachi killkakmanta 109 mana nishka apushitayta chaskirka.
Nataly Morillo, rimashpaka nirkami, Kamachiy Awllipak ukllayka aylluta pakanapak mana kanchu, ashtawanpash ñawinchiyta pakta alli llamkanapakmi, shinallatak Cevallos kamachi killkak rimashkata yuyachishpa nirkami llaktapak hatun rimanakuypi uyarishkakunaka llakichiy munashkata shina mana riksina kanchu, nirka. Chaymantami, wanachiy kallarinapak arinina mana usharinchu.
Shinallatak, Jorge Peñafiel y Ana Galarza kamachi killkakkunapash, rimarishpaka, kamachi awlli ukllayka llaktapak shinallatak allpa pachapak hatun paktaymikan shinallatak llaktayuk chaypikana kawsay kallariymi. Ana Galarza kamachi killkakka nirkami kamachi awllita wanachinapak mañashkalla ñami Mamallaktapak Kawsayta wakllichishka kan, nirkami.
Puchukaypika, Mamallakta Tantanakuyta pushak, Viviana Veloz, killkakamayuktami kay pachallatak Sala Especializada de lo Penal, Penal Militar, Penal Policial, Tránsito, Corrupción y Crimen Organizado de la Corte Nacional de Justicia tantanakuyman willayta chayachichun mañarka.
EG/cg-k
Ashtawan Shuyukuna:
