97 ari apushitaywanmi Mamallakta Tantanakuyka Adrían Castro, kamachi killkak chayachishka mañayta arinirka, kay mañaypika Ley Orgánica de Libertad e Igualdad Religiosa kamachiy rurana killkata wakichichun mañarka, imamanta rikuchiypika ninmi Mamakamachiypak 135, 287 niki killkawan waktarikushkamanta, kaypika llaktapak kullki mirarina rikurishkamanta.
Wakichinapak rikuchiykunaka chuskumi karka: shuknikipika Mamakamachiypi apunchikman yuyayka kacharishka kan nin, chaymanta katishpa rikuk kamachiy mana mutsurinchu; ishkaynikipika, kay Consejo Consultivo Religioso wankuriyka llaktapak kullkita mutsun, shinallatak imapak imata rurana man achiklla rikurinchu; kimsanikipika kipita rikuk manu kullki kishpichinapak mañashka Mamakamachiypak 135 niki killkawan waktarin; shinallatak, chuskunikipika, runapak hayñita, apunchik katinata rikunapak churashka llamkay kullki illakmmi kan, nin.
Kaymanta rimashpak, killkata riksichik, Adrián Castro kamachi killkakka, imamanta wakichinapak mañashkatami ashtawan riksichirka. Mana pantashpa, kay kamachiy rurana killkaka mamakamachiy rikuchishka hayñikunata paktanapakmi harkan, nirkami.
Paymantaka, Carlos Rodriguez kamachi killkakka nirkami tukuy Ecuador llaktayukmi kikinmanta yuyashpa apunchikta katinka. Kipaka, Paúl Buestán kamachi killkakka nirkapashmi kay kamachiy rurana killkaka manu kullkita kishpichinapak mashkakun, kay yuyayka Mamakamachiywanmi waktarin, nin.
Ramiro Vela kamachi killkakka apunchik, llaktay, rumpawan pukllay katinamanta rimarka. Kay killkata wakichinami nirka. Carmen Tiupul kamachi killkakka Mamakamachiyka apunchik katinapak yuyayka kacharishkami nishpa rikuchirka, chaymanta kay kamachiyka kay yuyayta pantachinkami nirka.
Kay kamachiyta wakichinapak llamkaywillaytaka Garantías Constitucionales Minarishkapimi allichishka karka.
AM/cg-k
Ashtawan shuyukuna:
