Kunanpaklla Minkarishkakunaka Mamakamachiypak 5 niki killkata mushukyachinapak llamkaypika, Ecuador llaktapi istallaktamanta awkakuna chayamunatami arininapak mashkakun, kay awkarik 29 puncha ayriwa killa, chusku ari apushitaywanmi, Llakta pushak chayachishka llamkaywillayta ishkayniki rimanakuypak arinirka, kayshinaka llaktapi kasiklla kawsayta pakta yanapanka nishpa rikuchishkawan.
Llamkaywillay killkataka Nataly Morillo kamachi killkakmi allichirka kaypika Mamakamachiypak 5 niki killkata mushukyachina, kaywanmi llaktaka istallakta yanapayta chaski ushanka nirka, yanapayka antanikichikpi, yuyaysapa chapaykunapi shinallatak ruraykunapipashmi istallaktamatna llakichik tantanakuyta chimpapuranapi yanapanka, nirkami.
Shinallatak, istallaktamanta awkakuna tiyarinaka, llaktayuk chaypikanata shinallatak kamachiywan pakta kanata rikurashpami yallinka, mamallaktapak kikin sumaychayta chaparashpa, kay yanapyka mamallakta paktanapi kimirinka kashina kasiklla kawsayta paktanapak. Shinallatak, kay awkakunaka pakta chaparana saywa llaktakunapi, shinallak wampuk anta chayanapi tantarishpa Ecuador llaktapi llakichiykuna chayanapimi chimpapurankakuna, nirkami.
Rimanakuy paktanapika, llamkaywillayman kimirik kamachi killkakkunaka nirkami kay Mamallakta Tantanakuypi mushukyachiyka purinapi shuk tatkillami kan, shinallatak mamallakta ayllukunami kay Ecuador llaktapi istallaktamanta awkakuna chayamuchunka arininka, kayshina yanapaywan istallaktamanta tantarishka llakichikkunata chimpapuranapak, nirkami.
EG/cg-k
Ashtawan Shuyukuna:
