Mamallakta Tantanakuyka, 103 ari apushitaywanmi, Margarita Hernández Naranjo, exsuperintendenta de Economía Popular y Solidaria tantanakuy ñawpapushakta llaktay ñawinchiyman kayachinapak arinirkakuna, kay mañaytaka Xavier Jurado kamachi killkakmi chayachirka, paypak pushaymi llamkaywan mana paktarishka nishpa, kay cooperativas de ahorro y crédito, cajas comunales shuktak kullkiwasikunapash, kay financiero popular y solidario wankuriman kimirishkakuna.
Rimanakuypika, pushak kamachiy killkakunami rimarirka, César Umajinga shinallatak Ramiro Vela kamachiy killkakkuna, kay puchukay runaka llaktay ñawinchiy kallarichunmi mañarka, Mamallakta Tantankuymi kay economía popular y solidaria wankuriy imashina paktarikushkata riksina mutsurin nirka, kay Superintendencia tantanakuypi chapay illashkamanta, llaktapak wakllirinalla wankuriykuna kullkiwan llamkan, shinallatak cooperativa kullki wasikunapi llaktayukkunapash paykunapak kullkita chayachin, nirkami.
Chaykamaka, ñawinchiyman kayachinapak mañak, Xavier Jurado runaka, llamkak aylluwan makanakuyka mana kanchu, ashtawanpash ñukanchik llamkay wañinchiy paktana chashkamantami llamkakunchik kayshina economía popular y solidaria wankuriypi kimirishka ayllukunapak kullkita chaparankapak, nirkami.
Ñawinchiynapak Minkarishkakunaka, llamkaywillay kallari killkapi, Xavier Jurado kamachi killkakka Exsuperintendenta de Economía Popular y Solidario wankuriyka kay Mamakamachiy shinallatak Ley Orgánica de la Función Legislativa kamachiy tukuy mañashkatami paktashka; shinallatak nirkami Margarita Hernández runaka Ley Orgánica de Economía Popular y Solidaria kamachiypak 280, 283 niki killkata shinallatak Código Orgánico Monetario y Financiero kamachiy rikuchishkatami mana katishka nishpami ñawinchiyman kayachin ninmi.
Kay Ley Orgánica de la Función Legislativa kamachiypak 83 niki killka rikuchishkata katishpa, Mamallakta Tantanakuyta pushakka, pichka punchakuna ukupimi, ñawinchiy kallarinapak llamkay rimanakuypi churanka.
EG/cg.k
Ashtawan shuyukuna:
