Mamallakta Tantanakuyka shuk yuyarinakushka killkawanmi Salud llamkaywasi pushakta, harkarinalla tosferina, fiebre amarilla unkuykunata harkanapak pichka wata manarak charik kari warmi wawakunaman vacuna hampita churanapak hatun kayachiyta, wakllirinalla ayllukunaman shinallatak mana yaykurinalla llaktakunaman chayanapak sinchiyachichun mañan, chaypakka Ministerio de Economía y Finanzas llamkaywasimi kayshina yanapay chayachinapak llamkaywillayta chayachinka.
Mañaytaka Arisdely Parrales kamachi killkak chayachirka, yuyachirkami kay 5 puncha aymuray killa 2025 watakamaka Ecuador llaktapika 321 ayllukuna unkuypi urmashka, ñawpa watawan rikukpika 127% patsakman mirashka; fiebre amarilla unkuywan chusku ayllukuna rikurishka; shinallatak ashtawan nanariyka Taisha kiti, Morona Santiago markapi leptospirosis unkuywan pusak wawakuna wañushka.
Shinallatak, Ministro de Salud Pública, Ministra de Educación llamkaywasi pushakkunatami Salud Minkarishkaman kayachinka kaypi 30 punchakuna ukupi, Mamallakta Tantanakuyman kay Ecuador llaktapi llakichik unkuyta chimpapuranapak llamkaykunata, kunkarishkata, imalla yuyaypaktarishkata shinallatak ruraykuna paktarinatapash shuk llamkaywillaytapi allinta willashpa riksichichun.
Ashtawanka, yuyarinakushkapika, Salud Llamkaywasi pushaktami mamallaktapi ancha unkuykuna chayayta, utkashpa willachik llikakkunata chruashpa, hampikkunata yachachishpa shinallatak unkuykunata rikushpa llamkak llamkaywasikunawan makipurashpa llamkanapak chapanata allichinapak mañan,
Shinallatak Salud Pública, Educación llamkaywasi pushakkunata willachik antakunapi shinallatak yachana wasikunapi hampirina yachachiyta chayachichun mañan, chuyayayta kallaripi churashpa, ancha unkuykunata harkashpa shinallatak kikin kawsaypak mutsurishkata chayachishpapash.
Puchukaypika, Superintendencia de Competencia Económica, Agencia Nacional de Regulación, Control y Vigilancia Sanitaria (ARCSA) llamkaywasikunata shinallatak pushakkunatapash mintalaykunata shinallatak imalla katunapi shimitaparina, chuyayayachik llutachinata shinalaltak hampikunatpaash chaparanaman kayachin, yalli chanipi ama katuchun shinallatak charikuna ama illachunpash.
AM/cg-k
Ashtawan shuyukuna:
