Kay VIII Censo Nacional de Población, VII de Vivienda y I de Comunidades llamkay paktashkata ñawirishpa llamkaywillayta riksinapakmi Mamallakta Tantanakuypi arinirka, kay killkataka Garantías Constitucionales minkarishkaman chayachishka karka.
Kay llamkaywillaytaka Paola Cabezas kamachi killkak riksichirka, payka nirkami lanu paktarinapi tawka yuyaykunatami tarishkanchik nin; ashtawanka, kay llaktapi tiyashkata yallik chanipimi paktarishka.
Shinallatak, yuyachishpa nirka Contraloría General del Estado paktashkapi, willachina paktarina ukupi; shinallatak, lanupi llikapankapi antanikichikpipash paktarishka. Yuyaypaktarishkanchikmi lanupi Instituto Nacional de Estadística y Censos (INEC) llamkaywasika chikanyachik sumaychakpash kashka.
Rimanakuypika, Monica Salazar kamachi killkak yunka llaktayuk mashna kashka yupayka llaktapi tiyak ayllukunata mana pakta tantachishka riksirin; kikinkayta riksirinapak yachachiy mana tiyashka rikurin, nin.
Llamkaywillaypika ninmi: lanu ñawpa, lanupi, lanu kipa tawka llakikunami rikurin nin. Llamkayñan ruraypi, llamkaykullki chayachiypi, llamkaykullki paktashka achikllakaymi kallaripi llakikuna rikurirka, chaymantami alliruray alli rikuypash tukuy yupaykuna tantachishkapi rikurirka.
Lanu paktariypi waklliriy rikurikpika, millka ruranapimi llakikuna rikurin shinallatak runa llaktakunatapash kunkashka rikurin, llaktapak llatayta wiñachinapak churanami llakiyan kayshina runa ayllukunapak afroecuatoriano ayllukunapak tukuyhayllita sumaychana. Shinapash, kimichik shinallatak wiñaymanta chikanyachishkata kimichik lanu illarka, kay llakta ayllukunami paykunapak hayñi paktachinapi riksirinapipash washayashpa sakirin.
Kayshina yuyaytantachishkapika, llamkaywillay rikuchinmi lanupi willayta ashtawan kimichinapak tantachinata kaypika runa ayllukunata lanuman kimichinapak nakashkapaka willayta panta churashkata allichinapakmi kanka, nin. Kayshina llamkaywanka mamallaktapi ayllukuna mashna kawsashkatami ashtawan pakta riksishun, shinallatak llaktapak llaktay allichinapak ruraykunatapash alliman katichishun.
Kay killkataka Fiscalía General del Estado tantanakuyman chayachishka kanka kaypi pakta ñawinchiyta taripashpa kallarichun shinallatak llakikuna tiyakpi shinallatak yupaykuna wakllichishka rikurikpi llakichikkunata riksishpa wanachinaman chayachichun, ninmi.
Mamallakta Tantanakuy paktanapika, Código Orgánico Integral Penal kamachiy mushukyachinatami kallaripi churanka kaypi yupaykunata llakichishkata ashayachinapak.
AM / cg-k
Ashtawan shuyukuna:
