Mamallakta Tantanakuyka, kay chillay 7 puncha aymuray killami, 71 ari apushitaywan, Mamallakta Tantanakuy yuyarinakushka killkata paktanapak kimsaniki llamkaywillayta arinirka kaypika tukuy llaktapi kari warmi wawakunata wamrakunatapash kimichik llamkak wasikunata ñawinchinata arinirka, chaymantami, shuktak yuyaykunapika, kay Enriquez Gallo samana wasika wasikuska wakllirinalla rikurin chayka wamrakunapak hayñitami wakllichin kay wasipi kimirina paktanata, ninmi.
Pierina Correa, kay Protección Integral a Niñas, Niños y Adolescentes Minkarishkata pushak shinallatak llamkaywillayta riksichikka, nirkami, kay minkarishkapi llamkakkunaka tukuy llaktapak markakunaman chayashpa riksirkanchik shinallatak kaypi willachishka yuyaykunata mañaykunatapash riksichirkanchik, kayshina, kimichik wasikunapi riksishka llamkay mana pakta tiyan, chaymantami kari warmi wawakuna wamrakunapash yachakkuna yanapachun mutsun, nin.
Minkarishkapak rikuypika, kay Unidad de Acogimiento ukupi llamkaypi achka kuyuriy tiyan, shinaka kimirik wamrakunapak hayñitami wakllirinallapi churan, kay Casa Hogar Enrique Gallo wasika Ministerio de Inclusión Económica y Social (MIES) llamkaywasi rikuna ukupimi kan. Chaymantami, Mamallaktapak killkakamayukta "Hogar Enríque Gallo wasita utkashpa allichinapak rikuchikñanta churanapak" kayachin, shinaka kanchamanta yachak yanapakkuna wawakunata, wamrakunata shinallatak wasi ayllutapash rikuchunmi yanapanka.
Rimanakuy ukupika, chusku kamachi killkakmi rimarirka, kaypika kari warmi wawakuna wamrakunapash wakllirinapi MIES pushakushka wasikuna wakllirinalla rikurishkatami riksichin, chaymantami utkashpa yanapay tiyachun kayachin kayshina alli kawsayman paktanapak shinallakta shamuk pachakunapi mamallaktpaash alli pakta kawsay charinatami paktana kan, ninmi.
Kay llamkaywillaypika Protección Integral a Niñas, Niños y Adolescentes Minkarishkata kay ñawinchiywan ñawpakman katichun shinallatak Inclusión Económica y Social; Salud Pública; Consejo de la Judicatura; Fiscalía General; Defensoría del Pueblo; Defensoría Pública; shinallatak, Consejo Nacional para la Igualdad Intergeneracional llamkaywasikunaman willayta chayachina, kay wasipi ayllukunata kimichikta pushakkuna kari warmi wawakunapak, wamrakunapak hayñita ukllachun shinalaltak sumaychachunpashmi mañarka.
EG/cg-k
Ashtawan shuyukuna:
