Llaktayukman willachiypimi, Mamallakta Tantanakuyta pushak, Viviana Veloz willarka, Pushaymanta shinallatak Tukuyta rikuymantami mushuk kamachi killkakkunaman tukuy yanapayta chayachishkanchik paykuna tukuy mutsusha killkata chayachichun, Mushuk kamachiy awlli llamkay kallarinapak ñawpa, shinallatak kimsa kamachi killkak ñawpakman kakkuna kay shamuk 14 punchaaymuray killa 2025 watapi llamkay rimanakuyta kallarichun, nirkami.
Kayshina willachiytaka Mamallakta Tantanakuypi shukniki kallari rimanakuypi llakichiy atiri tiyanka nishpa uyarishkamanta. Pushak Veloz kamachi killkak kutinpashmi kay willayka llakichina yuyaytami charin nirka. "Patarikuk kamachiy rikuchishkatakatishpa, tukuy yanapaytami Anabella Azín kamachi killkak, ADN, Raúl Chávez kamachi killkak alianza Revolución Ciudadana – Reto, shinallatak subdirector, shinallatak Alfredo Serrano del Partido Social Cristiano killkakamayukman chayachishkanchik", nirkami.
Shinallatak nirkami, kay awkarik 10:00 pachamanta, kay chillay puncha rimanakuy imashina paktanatami rikuchirkakuna shinallatak kay 2025 - 2029 wata llamkanapak, allikachiy, kamachiywan paktarishka, Mamakamachiypi, kay Ley Orgánica de la Función Legislativa rikuchishkata paktanapi shukniki rimanakuy kallarinapak tukuy yanapay tiyachunmi llamkarka,
Ashtawanka, Mamallakta Tantanakuyka kay mushuk watapi llamkaykuna alli kallarichun tukuy allichiykunapimi paktarishka, kaykuna shina: ishkay kutinmi akllarishka kamachi killkakkunata (29, 30 ayriwa) killapi yachachiy tiyarka, protocolo, killkakamayuk, mutsurirshka killkata chayachinapak patakukunata churana kaypika Contraloría General del Estado tantanakuy killkapash kimirin, akllarishka kamachi killkakkuna ima ilakpika pakta allichichun llamkakkunawan rimanakurka; Ashtawanka, kay 28 puncha ayriwa killkaka llikapankapimi ashtawan apushitay chaskik akllarishka kamachi killkakwan rimanakuy paktarka, paykuna kallari rimanakuyta pushankakuna.
"Anabella Azin kamachi killkak tukuy mashkata kutichishkanchik, Mamallakta Tananakuy kuchuman awkakunata churachun mañayta mana rurashkanchik, kay mañayka kaynami chayamurka shinallatak chaypachallatakmi kutichirkanchik, kay llamkaywasika tawka watakunatami Escolta Legislativa chapakkunata charin, kaypika Policía Nacional chapakkunami llamkan", nirkami.
Kay huchachiykunata shitarirkami, nirka, akllarishka kamachi killkakkunata rurachuntik shinallatak llaktaypi kimirichun mashkakun shinallatak tukuy llaktayukkunata kamachiyta paktachun kayachirka. Kay puncha rimanakuy tukuy llaktayukkuna chaypikana yuyaywan paktarichun shuyanchik. Kayshina huchachiykuna llakichina yuyay charishkamanta shustarinchik Mamallakta Tantanakuypak llamkayta amsayachinapak kashkamanta. Kaya puncha, ima paktarikpipash hapinami kanchik" nirkami.
GL/sa/cg-k
