Mamallakta Tantanakuy, kay awaki 12 puncha aymuray killa, 97 ari apushitaywan, exsuperintendenta de Economía Popular y Solidaria, Margarita Hernández runata wanachirka, kay llaktay ñawinchiyta katishpa, mañaytaka Xavier Jurado kamachi killkakmi chayachirka, kullkiwasikuna llamkayta mana pakta katirashpa rikushka nishpa huhachiywan kay kullkiwasikunaka economía popular y solidaria ukupimi kankuna. Wanachiyshkawanka ishkay watatami llamkayta mana ushanka.
Xavier Jurado kamachi killkakakka llaktay ñawinchiyman kayachishka huchachiykunata kutinpash riksichirka, shinallatak ñawpa llamkak mana chayamushka llakimi nirka, llaktaman willachiynatami kinkun nirkami. Kay llaktay ñawinchiyka kullkiwasipi kimirishka waranka waranka ayllukunata yanapaymi kan nirkami, yuyarinami kanchik mamallaktapak kullkillamkaypi kay kullkiwasikunaka kimsaniki yanapakmi kankuna, nirkami.
Kimichishpa nirkamii doctora Margarita Hernández runaka kay economía popular y solidaria llamkaymillkata chaparana yuyayta mana charirkachu, chaymantami yachak shinllatak llamkakkunata anchuchiywan rikuchirka, 500 llamkakkunata chaskirka, kunanka 53 llamkakunallami tiyan. "Ashalla llamkakkunawanka, mamakamachiy rikuchishkata mana paktay usharinchu shinallatak kay llaktapak kullkillamkayta chapay mana paktarinkachu" nirkami.
Kay Cooperativa de Ahorro y Crédito Cámara de Comercio de Ambato kullkiwasiman kimirisha ayllukuna llakichishkata yuyachirka, kay kullkiwasika chinkarinaman chayarka, pakta llamkay mana tiyashkamanta, ukumanta rikuypi willay tiyashka kashpapash mana allichirkachu, chaymantami llaktapak llamkaywasipi ñawpa llamkakta wanachinaman kayachin. Ashtawan rimarik mana tiyarkachu.
EG/cg-k
Ashtawan shuyukuna:
