151 kamachi killkakkunawanmi, Mamallakta Tantanakuyka, 2008 watapi arinishka kamachiyta paktachishpa llamkay kallarirka. Niels Olsen, kay Alianza Democrática Nacional (ADN) wankurimanta, 80 ari apushitaywan, kay 2025 - 2027 watakunapi pushanapak akllarirka, payka chay pachallatakmi ashlla pachapak pushakuk, Annabella Azin, llaktapak kamachiy killkakpak ñawpapi iñirka, chaypachallatakmi Mamallakta Tantanakuyta pushay kallarirka.
Niels Olsen, kallari rimariypi, kay llamkaywanka wiñachinapakmi, mana llakichinapakchu nirkami. Ecuador llakta ayllukunata kishpichichun mañarka kay watakuna Mamallakta Tantanakuyka llaktayuk mutsushkata washaman sakishkamanta. Akllak ayllukunata, llaktay wankurikunata shinallatak tukuy ayllukuna shuktak wankurimanta shamushpapish, akllarinapi yanapashkamanta yupaycharka.
Shukniki kipapushakka Mishel Mancheno Dávila (ADN), Chimborazo markamanta; shinallatak ishkayniki kipapushakka Carmen Tiupul kamachi killkak, Chimborazo, Pachakutik wankurimanta akllarirka.
Ashtawanka, Mamallakta Tantanakuyka Sade Fritschi, ADN wankurimanta, Consejo de Administración Legislativa (CAL) shukniki rimarik; Samuel Célleri, PSC, ishkayniki rimarik; Mónica Salazar kimsaniki rimarik (RC); shinallatak, Steven Ordóñez (Ind.) rimariktami akllarka.
Mamallakta Tantanakuyka Giovanny Bravo shinallatak Jorge López runakunatami Killkakamayuk, Prosecretario General killkakamayukta shutichirka.
Ñawpamanka, ashalla pachapak pushakukkunaka Paola Jaramillo, Juan José Reyes, Mónica Salazar, Steven Ordóñez, Adrián Castro kamachi killkakkunatami iñik pankakunta shinallatak Mamallakta Tantanakuy ukupi paykunatak kashkata rikunapak akllarka. Minkarishkakunaka Priscila Schettini kamachi killkakmi llaktapi llamkanapak harkayta charin, nirkami, chaykmantami payta katik, Santiago Diaz kamachi killkakta llamkachun kayarka.
EG/cg-k
Ashtawan shuyukuna:
