Kay 19 punchamanta 25 punchakama aymuray killa, Mamallakta Tantanakuyka Ecuador llaktamanta parlamentarios andinos pushakkuanta llamkaypi kallarichinka; Comité de Ética wiñachinka; shinallatak, Mamakamachiypak 110, 115 niki killkata mushukyachinkapak ashalla pachapak Minkarishkata shutichinka, kaypika Mamallakta pushakkuna akllanapak chani chayachinata, riksichinata yanapashki kullkitami rikun.
Shinallatak, kay wacha 24 puncha aymuray killa, mamakamachiypak 1 yupay 120 niki killkata paktachishpa, Mamallakta Tantanakuy Llakta pushak, Daniel Noboa; shinallatak kipapushak, María José Pinto, runakunata kay 2025-2029 watapak llamkaypi kallarichinka, kaypika shuk hatun rimanakuymi tukuy pushakkunawan, ista llaktamanta pushakkunawan, llakta riksichikkunawan shinallatak shuktak kayachishka ayllukunawanpash paktarinka.
002 rimanakuy
Kay awaki 19 punchapami 002 rimanakuyman kayachishka, kaypika chusku yuyami churashka, kari warmi kamachi killkakkunami kay Ley Orgánica Electoral y de Organizaciones Políticas de la República del Ecuador, Código de la Democracia kamachiypak 91 niki killkapak ishkay millkapi rikuchishkata paktashpa ashtawankarin Consejo Nacional Electorial tantanakuy yuyarishkapi kimirishpa kari warmi kamachi killkakkunaka, 7 puncha ayriwa killa 2025 wata akllarishkakuna Parlamento Andino llamkaypi kallarinkakuna.
Kayshinami, Mamallakta Tantanakuyka June Bohórquez Garcés (ADN); Verónica Arias Fernández (RC); Rafael Rodríguez (ADN); Virgilio Hernández (RC); shinallatak, Mónica Haro (ADN) runakunata llamkaypi kallarichinka. Shinallaktak paykunata katikkuna ishkayta llamkaypi kallarichinka: Josseline Guambo, Joseph Montoya (ADN); Galo Betancourt, Claudia Loayza (RC); Jasmina Nazareno, Josué Ramos (ADN); Luis Suntaxi, Sofía Espín (RC); Francisco Arriciaga, Sara Flecha (ADN), shuti katishka rikurshpa.
Kipaka, tukuy kamachi killkakkuna rimanakuypika Mamallakta Tantanakuypak Comité de Ética minkarishkata wiñachinka.Kay Orgánica de la Función Legislativa kamachiypak 164 niki killkapak, shukniki, ishkayniki, kimsaniki millkapika, Comité wankuriman pichka kamachi killkakunami kimirinka nin, shukyanchishpa akllashka, tukuy kamachi killkakuna yallitak apushitashkawan arininka. Kay Comité de Ética wankurishkaka ishkay watapimi mushukyanka shinallatak paykunaka llamkaymanta llukshichinapak huchachiykuna tiyakpi riksinapakllami tantanakunka; shinaka, paykunamanta llamkayta mana paktarinkachu. Kay Comité de Ética minkarishkakunaka kari warmita rikushpami chikan chikan wankurishkamanta akllashka kanka. Kaypi llamkakka shukllapash ashlla wankurishkamanta kimirinkakuna.
Puchukaypika, Kay Ecuador llaktapak mamakamachiyta 110, 115 niki killkata mushukyachinapak Yachak Minkarishkapi kimirikta akllanka, kay killkapika llaktay wankurishakta shinallatak pushakkunata akllanapakmi shinallatak riksichinatami willakun, shinallatak kay ashalla pachapak minkarishkakunaka 17 puncha kapak killa 2024 watami sukta killakunata llamkanapak wiñarirka paykunaka 2023-2025 watapi llamkaywan kay 13 puncha aymuray killa puchukarka.
001 niki CAL rimanakuy
Kay Consejo de Administración Legislativa (CAL) wankuriyka awaki puncha 17H00 pachami rimanakunka, kaypika 31 kamachiy ruranapak mañashkata riksinka; kaykunapika “Ley Orgánica para Desarticular la Economía Criminal Vinculada al Conflicto Armado Interno kamachiy rurana killkami tiyakun”, kay killkataka kullkillamkaymanta utkashpa rurana nishpa, Llaktata pushak, Daniel Noboa Azín, N.° 465735 mañay yupaywan chayachishkami.
Kay kamachiy rurana killkapika kullkilamkaymanta, manu kullkimanta shinallatak kasi kawsanata paktachinapak tawka kamak killkawan llakta ukupi llakichikta pakta chimpapurankapakmi rikuchin, shinallatak llaktayukta ukllanapak, Ecuador llaktapak kullkillamkayta charirayanapakpash shinallatak llakichishka kuskakunapi llamkaykullki sinchiyachinapak.
Unanchay rimanakuy
Shamuk wacha 24 puncha, Mamallakta Tantanakuyka Llakta pushak, Daniel Noboa Azín runata shinallatak kipapushak, María José Pinto runata, llamkaypi kallarichinka, paykunami yallik 13 puncha ayriwa killapi pushak akllarirkakuna. Kay unacha rimanakuymanka Mamallaktapak pushakkuna, mashiyashka llakta pushakkuna, Ecuador llaktapi riksichik llakta ayllukuna, awkakuna, apunchik katikkuna, shinallatak shuktak ayllukunapashmi chayamunkakuna.
EG/cg-k
