Mamallakta Tantanakuy hatun rimanakuypimi Ashalla pachapak Minkarishkata wiñachirka, paykunami Mamakamachiypak 110 niki 115 niki killkata Mushukyachinata rikushpa katinapak, kay killkakunaka pushakkuna akllanapak llaktay wankurikunaman chani kullki chayachinatami rikun, chaytami mushukyachinapak mashkakuna.
Kay kamachi killkakunami akllarirka:
Kay wankuriyta wiñachishkawanka Llakta pushak mamakamachiyta mushukyachinapak mañashkata katinapakmi kan, kay 17 puncha kapak killa 2024 watapi wiñachishka minkarishkakuna paykunapak llamkay kay 2023-2025 wata, 13 puncha, aymuray killka llamkay paktana pacha puchukashkamanta.
Minkarishkakunaka Llakta pushak chayachishka killkatami riksishpa allichinkakuna kaypika pushakkuna akllanapak llaktay wankurikunaman chanita anchuchinapak mañaymi; paykunaka shukniki rimanakuypi tantachishka yuyaykunata allichinka; shinallatak kay yuyaymanta ashtawan riksikkunata llaktapi paktarikunata yuyayta chayachichun kayachinka; shinallatak, ishkayniki rimanakuypi llamkaywillayta allichinkakauna, kayshina llamkaytaka Mamakamachiy rikuchishkata paktashpami llamkankakuna.
Minkarishkapak pushakkuna
Kimanka, shukniki rimanakuypi, minkarishkakunami paykunapak pushakkunata akllarkakuna. Kanchis arinishkawan, Esteban Torres kamachi killkakmi pushak shinallatak kipapushak, Jadira Bayas kamachi killkkunami akllarirka.
EG/cg-k
Ashtawan shuyukuna:
