Mamallaktapak shillwak shinallatak "Orden de San Lorenzo", Gran Collar pata unanchata chaskishka kipa, 2025-2029 watakunapak Ecuador llakta pushak, Daniel Noboa Azín, Llakta pushaymanta shinallatak Mamallakta Tantanakuymanta makipurashpa llamkashun, nirkami.
"Niels, kayka hatun llamkaymi. Llaktapi anchata shuyakushka pushay tiyachun llamkanapak akllashka runami kanki", kashnami llakta pushakka Olsen kamachi killkak kay Mamallakta Tantanakuy mutsushkapi llamkaymanta rimashpa, Llakta pushakshina llamkay kallarishpa nirka.
Daniel Noboa pushakka Mamallakta Tantanakuytami "alli kawsay pachakunata mutsuk llaktayukkuna mañashka mana chikanyachishpa, ashtawanpash tantalla kanapak, alli kawsayta paktanapak kamachiyta wiñachinapakmi kayachini" nirkami.
"Ecuador llaktaka kay hatun Llamkay wasikuna makipurashpa llamkachunmi shuyakun, kayshina pakta purina ñanta pushaytapash achikllata rikuchichun", Mamallakta Tantanakuyta pushakka ñawpaman nirka, Noboa mañashkawan
"Mamallakta Tantanakuypak mushuk rikuyka alli llaktay paktanami kan. Llaktayuk shuyakushkapi llamkana. Mamallakta Tantanakuyta ñawpa pushashkata yalli ashtawan alli pushana. Wakllichina munakkunata mana uyana shinallatak shuklla sinchi llaktata charinapak pakta llamkana", kashnami Llakta pushakka nirka.
"Kikinkunawan, kamachi killkakkunawan, tantarishpa llakichikkunata chimpapurashpa katishun, kay atirinakuyka ñukanchik llakta kawsanapakmi. Tantarishpa llakichikta chimpapurashpa paktami katishun. Ñukanchik alli kawsayta mashkaypi mana shaykushpa llamkashun, ashtawanka yachaypi, kasi kawsaypi, llaktapak ruraykunapi shinallatak shamuk alli pacha charinapakpash, kayshinami llamkay yuyayka", nishpami puchukarka.
CV/cg-k
Ashtawan shuyukuna:
