Mamallakta Tantanakuyta pushak, Niels Olsen, kay wacha 24 puncha 2025 watami, Daniel Noboa Azín, llakta pushakta; shinallatak, María José Pinto, llakta kipapushakta llamkaypi kallarichirka, paykunami 2025-2029 watakunapi llamkanka. Kay raymika Mamallakta Tantanakuypak, Nela Martinez hatun wasi ukupimi paktarirka. kaymanka 1.500 kayachishka ayllukunami chayamurka, kaypika Llakta pushakkuna, llakta chapakkuna; markapi pushakkuna; istallaktamanta minkashkakuna; ishtallakta riksichikkuna; shnallatak awkakuna, chapakkuna, apunchik katikkunapash chayamurka.
Llaktapak wiphala yaykushka kipa. Ecuador mamallaktapak Hayllita takishpa rimanakuy llamkay kallarirka. Kipaka, Niels Olsen, Mamallakta Tantanakuyta pushak, chayamukkunata napashpa, kunanmi mushuk llaktay pachakuna, sinchita llamkapak minkarishkawan, pakta alli munaywanpash kallarin, nirka. "Istallaktapi rikukuk ayllukunamanpash kay Ecuador llaktaka mushuk wiñaykawsaytami killkay kallarin" nirkami.
Kipaka, Niels Olsen llakta pushak Daniel Noboa runata llamkaypi kallarichirka; kipaka Pushanapak sillwakta charirachirka, kaymi Llakta pushanapak hatun riksichik unancha kan. Kipaka, comandante General de las Fuerzas Armadas, Jaime Vela ruanmi, Mamallaktapak Orden de “San Lorenzo” unancha, Gran Collar pata shutipi riksishkata chayachirka. Kipaka Mamallaktata pushanapak yuyaypaktarishka killkata shutiaspirkakuna, kaywanmi pushana llamkay kallarin. Shinallatak, Mamallakta Tantanakuyta pushakka llaktapak kipapushak, María José Pinto, runatapash llamkaypi kallarichirka.
Ashtawan kipaka, Daniel Noboa pushakka, Mamallaktaman willayta chayachirka, nirkami kunanmantaka Ecuador kari warmi llaktayukkunaka mana kunkashka kankachu nirka; kishpirishka llaktami, Ecuador mushuk llaktata charinapak atirikmi, nirka. Yuyachirkapashmi ñawpaman tiyakta shinallakta kipaman tiyakta rakik pacha tiyanmi nirka; shinallatak kaymi, kay pachakuna kan, ñawpa pachata sakishpa shamuk pachapi yuyanami kan, nirkami.
Pushakka ñukapak llamkayka ñawpa pachapi tiyashkawan mana kanchu, ashtawanpash kari warmikunata shamuk pachapi alli yanapanapak llamkaymi kan. Shinallatak, kamachi killkakkunapi iñinimi, paykunapak llamkaymanta shinallatak alli ruraykuna paktanamanta, chaymantami, tupupash hatunpi churashka kan kayshina llakta mutsushkapi pakta llamkanapak.
Raymi puchukaypika, tukuy chayamukkunami San Francisco de Quito kitipak hayllita takirkakuna, kaykipami Mamallaktapak Wiphala, pushakkuna, minkarishkakuna, kayachishka ayllukunapash llukshirka.
EG/cg-k
Ashtawan shuyukuna:
