Shuk yuyarina shuyakushka rimanakuy llamkaypimi, Mamallakta Tantanakuyta pushak, Niels Olsen Peet, shuyakushka yuyayta Daniel Noboa Azín, llakta pushak llamkay kallarichiypi riksichirka, kashna Ecuador mushuk llaktay kallarishkata kallaripi churashpa rimarka.
"Kunan punchaka shuktak punchashina mana kanchu" kashna nishpami rimay kallarirka, llaktapi tukuykuna wankurinaman kayachirka shinallatak llaktapak llamkaywasikuna tukuylla makipurana nirka kayshina sinchi llaktata wiñachinapak, ñawpapi llakikunata kutinpash ama ruranakapak, nirkami.
Rimariypi, Mamallakta Tantanakuyta pushakka, llaktayukkuna apushitaywan yanapashkata naparka shinallatak pushak Noboa llamkak paktami nirka, paytaka "ñawpa pushaymanta rakirishpa pushakuymanta mushuk yuyaywan pushak wamrarikmi.. wiñanapak akllashka", pakta, ayllukunapak, karuman rikuywan llamkakmi, nirka.
Kay rimanakuypi ashtawan yuyarinaka Llakta pushak Mamallakta Tantanakuywan makipuranapak kutinpash yuyarishkami alli kan: "Ishkantak pakta llamkanapakmi yuyarishka sakirin", llakta pushay pakta katina mutsurishkami alli kan, nirkami.
Shinallatak, kunan kallarik Mamallakta Tantanakuypak llamkayka tukuy mutsurishkakunata tukuy mushukyachinami kan, kayshina Mamallakta Tantanakuyta kasi kawsanapak, llamkay charinapak, yachaypak, kamaypakpash llaktayukman kichkiyachishpa.
Shinallatak llakta kipapushak María José Pinto runaman napayta chayachirka, paytaka wawakunapak pakta upalla llamkashkamanta riksirirka.
Paypak yuyaymanta, wasi aylluta naparka, llaktapak llamkakkuna punchan punchan llamkashpa shamushkamanta. Paypak rimayka yuyay kariyachikwan puchukarka "Wiñaykawsayta wiñachishun, kamupilla ama sakirichun, mana uyashka ayllukunapak kawsayta mushukyachinkapak", nishpami puchukarka.
Niels Olsen willashkataka llaktayukkuna makipi waktashpami chaskirkakuna shinallatak kay pachapi Mamallakta Tantanakuyta pakta pushak shinami riksirin, makipurashpa, llaktapak llamkaywasita sumaychashpa shinallatak Ecuador llaktawan pakta, alli, mushukyana yuyaywan pushashpa.
MEV/cg-k
Ashtawan shuyukuna:
