Mamallakta Tantanakuy, Niels Olsen pushakuywan, kay chillay 21 puncha aymuray killa 2025 watami, chaypikak 136 kamachi killkakkuna arinishkawan, fiscal general del Estado presentada por Diana Salazar Méndez runa llamkaymanta anchurinapak mañashkata arinirka. Shuk killkapi, 20 puncha aymuray killa, Salazar runaka llamkay kallarimantami manchachishka kawsashkani shinallatak pakta purinapak mana usharin, chaymantami istallaktapi kawsanapak yuyarishkani, nirka.
Andrés Castillo kamachi killkak, llamkaymanta anchurinapak mañashkata arininapak riksichin, exfiscal Diana Salazar llamkashkata napashpa, payka sukta watatami ancha llakichiyikunata chimpapurashpa llamkashka. Kay llamkayka kamay paktana ushashkata rikuchin, shinallatak pakta hatun llamkaykuna pushanapish, ñawpaka mana hapinalla karkakuna.
Kay yuyarinakushkaka Código Orgánico de la Función Judicial kamachiypak 290 niki killkapimi paktarin, kaypak 2 niki yupay killkapika Mamallakta Tantanakuymi llamkaymanta anchurinapak mañashkata Función Judicial kikimanta llamkay pushakkuna anchurishkata rikushpa.
"Kashnami 2.235 punchata Fiscalía General del Estado tantanakuyta pushana puchukan. Llamkaymanta anchurinata chayachini, kay 21 puncha aymuray killa 2025 wata llamkay puchukay kashkamanta, pakta llamkaypi kashkata yuyashpa shinallatak tukuy ruraykuna paktaypash chayachishkamanta kushiyashpa, Ñukapak pakta charishka kushilla kan: Ukun yuyay kushiklla", kashnami Diana Salazar paypak killkashkapi riksichishka.
Doctora Salazar runaka 2019 watami shutichishka karka shinallatak 42 punchakunatami yalli llamkarka. "Llamkaymanta anchurishka kipa, doctor Wilson Toainga runami fiscal kamak llamkay kallarin Consejo de Participación Ciudadana y Control Social (CPCCS) tantanakuy Fiscalía pushakta akllay puchukankama.
EG/cg-k
Astawan Shuyukuna:
