Kay 26 puncha aymuray killamanta 1 puncha raymi killakama hunkaypi, Mamallakta Tantanakuyka Educación shinallatak Derecho al Trabajo Minkarishkapak pushakkunata akllanka, kay minkarishkapi kimirishkakuna pushakta shinallatak kipapushaktapash akllana pachakuna pusak punchakunata yallishkamanta; shinallatak, exasambleísta Esther Cuesta, kay Nro. 17721-2025-00031G killka huchachishkapi llakichinapak wankurishka rikurin nishpa huchachishkamanta taripay kallarinapak mañashkata riksishpa arininkakuna.
Shinallatak, tawka yachak minkarishkakuna pakta llamkaywan kamachiy ruranakunata riksishpa, llaktay chaparaypi, taripaykunapi shinallatak ñawpa pushakkuna rurashka kamachiykuna paktarikuy rikuypi llamkay kallarinkakuna, kayshina paykunapak llamkanapak pachakunata allichichun shinallatak 2025-2027 watakunapi llamkanapak riksichiyta allichichunpash.
004 rimanakuy
Kay awaki 26 puncha aymuray killa, 18H00 chishipakmi, 004 niki rimanakuyman kayachishka, kaypimi Mamallakta Tantanakuyka Educación, Cultura, Ciencia, Tecnología, Innovación y Saberes Ancestrales; shinallatak, Derecho al Trabajo y a la Seguridad Social yachak minkarishka pushakkunata, Ley Orgánica de la Función Legislativa (LOFL) kamachiypak 23 niki killka rikuchishkata paktashpa akllankakuna.
Kay niki killkaka, pichka niki millkapi, minkarishkakuna tantarishkamanta pusak puncha ukupi pushakkunata mana akllakpika, Mamallakta Tantanakuymi pushakkunata akllanka, chaypi kakkuna yallishpa apushitashkawan.
005 Rimanakuy
Shinallatak, kay awkarin 27 puncha aymuray killa, 09H00 pacha tutamantapakmi 005 rimanakuyman kayachishka. Kaypika, tukuy kamachi killkakkunami doctor Hernán Barros Noroña, conjuez de la Sala Penal, Penal Militar, Penal Policial, Tránsito, Corrupción y Crimen Organizado de la Corte Nacional de Justicia tantanakuyta pushak mañashkata riksinkakuna, kay killkapi mañaytaka ab. Marco Ninabanda Chela, secretario Relator (e) llamkakushpa riksichirka, kaypika Esther Cuesta Santana, exasambleísta runata tukuy kamachi killkakuna riksishpa, Mamakamachiypak art. 128 niki killka (CRE) rikushpa paktanapak rimanakunkakuna.
Kamachiypika rikuchinmi "kamachi killkakta nakashpaka ñawpa kamachi killkakta wanachina ñawinchiy kallarinapakka Mamallakta Tantanakuymi arinina kan, chinkayanmi paykunapak llamkaywan pakta pakta kakpi. Kari warmi kamak arinichun mañashkata kimsa chunka punchakuna ukupi mana kutichikpika, arinishkami sakirinka. Samana punchakunaka mañashkata paktay pachakuna harkarinkami. Llakichikukta hapishpa nakashpaka wanachinapak arinishkapimi wichkashka kanka.
Mamakamachiypak art. 128 niki killkapi, LOFL kamachyipak. art. 111 niki killkapak, ishkay millkapika ninmi, shuk kamachi killkakta wanachina ñawinchiyka Mamallakta Tantanakuypimi riksinkakuna chay kipami chaypikakkua arininka. Shinaka, yuyaypaktarinapakka Mamallakta Tantanakuypak ishkayman kimsa yalli apushitaywan arininkakuna, nishpaka 101 apushiytaywan.
Minkarishkakuna.
Chaykamaka, Desarrollo Económico Minkarishkakunaka awaki 26 puncha aymuray killa. 12H40 pachami rimanakunka, kaypika cámaras de Industrias de Cuenca y de Guayaquil tantanakuy pushakkunata; tatnarishpa llakichikta chimpapurak chapakkunata; Derecho Penal ishkay yachak runakunata, kay Ley Orgánica para Desarticular la Economía Criminal Vinculada con el Conflicto Armado Interno kamachiy ruranapak llamkay ukupi, Llakta pushak kullkimanta utkashpa rurana nishpa chayachishka ukupi.
EG/cg-k
