Kay awkarik 27 puncha aymuray killa 2025 wata, Ecuador llakta pushak, Daniel Noboa Azín, Mamallakta Tantanakuyman kay Ley para la Innovación y Fortalecimiento de la Gestión Pública kamachiy rurana killkata chayachirka, kullkimanta utkashpa rurana nishpa shutichishpa.
Kay rurana kamachiypika Ley Orgánica del Sistema Nacional de Contratación Pública y la Ley Orgánica del Servicio Público kamachiy mushukyachinaka, llaktapak llamkay paktarinatami mushukyachinapak mashkakun, pakta alli llamkayta shinallatak pakta pakta kanata rikurankapak, llaktapak rantinakunapi llakichiyta anchuchinkapak shinallatak llaktapak llamkayta allichinkapak.
Stalin Andino, Llakta pushaypak kamak killkakamayuk, kamachiy rurana killkata chayachik, nirmai "ancha llakichiyta chimpapuranapakka pakta kamachiykunami mutsurin kayshina istallaktapi paktarikukwan llaktapak rantinakunata paktankapak shinallatak kullkitapash alli chayachinkapak".
Ashtawanka, nirkami kay Sistema Nacional de Contratación Pública paktarikuypika llaktapak llamkay yuyarinakunapak 30 patakunamanta 5 patakunaman ashayachinata mashkakun, kaykunaka -paypak yuyaypi- "llaktapi llamkakuna mana pakta purichinapimi urmashka shinallatak llamkay ñawinchiypi shinallatak wanachinapipash urmashka".
Kay mushuk Mamallakta Tantanakuyka kullkimanta utkashpa llamkana nishpa chayachishka kamachiytami allichinka, kamachiy rikuchishka pachakuna ukupi.
CV/cg-k
